സംസ്ഥാനത്ത് ഇന്ന് ലോക്ഡൗണ് സമാന നിയന്ത്രണം; അടിയന്തര യാത്രയ്ക്ക്രേഖകള് കരുതണം
![സംസ്ഥാനത്ത് ഇന്ന് ലോക്ഡൗണ് സമാന നിയന്ത്രണം; അടിയന്തര യാത്രയ്ക്ക്രേഖകള് കരുതണം](http://opennewser.com/uploads/news/lokksammannajannalst.jpg)
തിരുവനന്തപുരം: കൊവിഡ് കേസുകള് വര്ധിക്കുന്ന സാഹചര്യത്തില് സംസ്ഥാനത്ത് ഇന്ന് കര്ശന നിയന്ത്രണങ്ങള്. തീവ്ര കൊവിഡ് വ്യാപനം കണക്കിലെടുത്ത് ലോക്ക്ഡൗണിന് സമാനമായ നിയന്ത്രണങ്ങളാണ് ഏര്പ്പെടുത്തിയിരിക്കുന്നത്. അവശ്യസര്വീസുകള് മാത്രമേ അനുവദിക്കൂ. ആള്ക്കൂട്ടം കള്ശനമായി നിയന്ത്രിക്കും. പൊലീസ് പരിശോധന അര്ദ്ധരാത്രി വരെ തുടരും. അവശ്യയാത്രകള് മാത്രമേ അനുവദിക്കൂ.യാത്ര ചെയ്യുന്നവര് രേഖകള് കയ്യില് കരുതണം. പഴം, പച്ചക്കറി, മത്സ്യം, മാംസം, ഭക്ഷ്യവസ്തുക്കള് വില്ക്കുന്ന കടകള്ക്കും രാവിലെ ഏഴ് മുതല് രാത്രി ഒമ്പത് വരെ പ്രവര്ത്തിക്കാം. ഹോട്ടലുകളും ബേക്കറികളും തുറക്കാമെങ്കിലും ഇരുന്ന് കഴിക്കാനാകില്ല. പാര്സലും ഹോം ഡെലിവറിയും അനുവദിക്കും. ദീര്ഘദൂര ബസ്സുകളും ട്രെയിനുകളും ഓടുന്നതിന് നിയന്ത്രണം ബാധകമല്ല.
മൂന്കൂട്ടി ബുക്ക് ചെയ്ത വിനോദ സഞ്ചാര കേന്ദ്രങ്ങളിലേക്കും ഹോട്ടലുകളിലേക്കും പോകുന്നവരെ തടയില്ല. മാളുകളും തീയറ്ററുകളും പ്രവര്ത്തിക്കില്ല. വിവാഹ, മരണാനന്തരചടങ്ങുകളില് 20 പേര്ക്ക് മാത്രമേ പങ്കെടുക്കാനാവൂ. കൊവിഡ് ധനസഹായം വേഗത്തിലാക്കാന് വില്ലേജ് താലൂക്ക് ഓഫീസുകള് പ്രവര്ത്തിക്കും. ട്രഷറികളും പ്രവര്ത്തിക്കും. അതേസമയം, കൊവിഡ് ബാധിച്ച് മരണപ്പെട്ടതായി സര്ക്കാര് പ്രഖ്യാപിച്ചതില് അപേക്ഷ സമര്പ്പിക്കാനുള്ളവര് എത്രയും വേഗം വില്ലേജ് ഓഫീസിലെത്തി അപേക്ഷ സമര്പ്പിക്കണമെന്നാണ് നിര്ദ്ദേശം.
![advt_31.jpg](http://opennewser.com//uploads/advt/SAPACVACENT3.jpg)
![SAPACVACENT4.jpg](http://opennewser.com//uploads/advt/SAPACVACENT4.jpg)
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്