'പ്രധാനമന്ത്രിയുടെ ചിത്രം നീക്കാനാവില്ല'; ഹര്ജിക്കാരന് പിഴ ചുമത്തി ഹൈക്കോടതി
കൊച്ചി: കൊവിഡ് വാക്സിനേഷന് സര്ട്ടിഫിക്കറ്റില് നിന്ന് പ്രധാനമന്ത്രി നരേന്ദ്രമോദിയുടെ ചിത്രം നീക്കണമെന്ന ഹര്ജി ഹൈക്കോടതി ചെലവ് സഹിതം തള്ളി. ഹര്ജിക്കാരന് ഒരു ലക്ഷം രൂപ കോടതി പിഴ ചുമത്തി. ആറാഴ്ചയ്ക്കകം പിഴ കേരള ലീഗല് സര്വ്വീസ് സൊസൈറ്റിയില് അടയ്ക്കണം.
ഹര്ജിയ്ക്ക് പിന്നില് രാഷ്ട്രീയ താല്പര്യമുണ്ടെന്ന് കോടതി നിരീക്ഷിച്ചു. ഇത് തീര്ത്തും ബാലിശമായ ഹര്ജിയാണ്. പൊതുതാല്പര്യമല്ല, പ്രശസ്തി താല്പര്യമാണ് ഹര്ജിയ്ക്ക് പിന്നിലെന്നും ജസ്റ്റിസ് പി.വി.കുഞ്ഞികൃഷ്ണന് അഭിപ്രായപ്പെട്ടു. കോടതികളില് ഗൗരവമുള്ള കേസുകള് കെട്ടിക്കിടക്കുമ്പോള് ഇത്തരം അനാവശ്യ ഹര്ജികള് പ്രോല്സാഹിപ്പിക്കാനാകില്ലെന്നും കോടതി പറഞ്ഞു.
കടത്തുരുത്തി സ്വദേശി പീറ്റര് മാലിപ്പറമ്പില് ആണ് ഹര്ജിക്കാരന്. പണം കൊടുത്ത് സ്വകാര്യ ആശുപത്രിയില് വാക്സിന് എടുക്കുമ്പോള് മോദിയുടെ ചിത്രം പതിക്കുന്നത് മാലികവകാശ ലംഘനം എന്നായിരുന്നു വാദം.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്