മലയാളത്തിലെ മുതിര്ന്ന നടന് കെ.ടി.എസ്.പടന്നയില് അന്തരിച്ചു
മലയാളത്തിലെ മുതിര്ന്ന നടന് കെ.ടി.എസ്.പടന്നയില് അന്തരിച്ചു. 88 വയസ്സായിരുന്നു. തൃപ്പൂണിത്തുറ സ്വദേശിയാണ്. നാടകലോകത്തുനിന്ന് സിനിമയിലെത്തിയ കെ.ടി.എസ്.പടന്നയില് ശ്രദ്ധേയമായ വേഷങ്ങള് മലയാളത്തില് അവതരിപ്പിച്ചിട്ടുണ്ട്.അപ്രസക്തമായേക്കാവുന്ന നിരവധി കഥാപാത്രങ്ങളാണ് കെ.ടി.എസ് പടന്നയില് തന്റെ അഭിനയമികവ് കൊണ്ടും, സ്വാഭാവിക ഹാസ്യ ശൈലികൊണ്ടും മലയാളിയുടെ ഓര്മയില് വേരുറപ്പിച്ചത്.
വാര്ധക്യസഹജമായ രോഗങ്ങളെ തുര്ന്നാണ് അന്ത്യം. ശ്രീകൃഷ്ണപുരത്തെ നക്ഷത്രത്തിളക്കം, ആദ്യത്തെ കണ്മണി, വൃദ്ധന്മാരെ സൂക്ഷിക്കുക, അനിയന് ബാവ ചേട്ടന് ബാവ, സ്വപ്നലോകത്തെ ബാലഭാസ്കരന്, കഥാനായകന്, കുഞ്ഞിരാമായണം, അമര് അക്ബര് അന്തോണി തുടങ്ങി നിരവധി ഹിറ്റ് സിനിമകളുടെ ഭാഗമായിട്ടുണ്ട്. കെ.ടി.സുബ്രഹ്മണ്യന് പടന്നയില് എന്നാണ് മുഴുവന് പേര്.
പടന്നയില് 1947ല് ഏഴാം ക്ലാസില് വച്ച് സാമ്പത്തിക പരാധീനതകള് മൂലം പഠനം അവസാനിപ്പിച്ചു. കുട്ടിക്കാലത്ത് കോല്കളി, ഉടുക്കുകൊട്ട് തുടങ്ങി നിരവധി കലാപരിപാടികളില് പങ്കെടുത്തിരുന്നു. ചെറുപ്പം മുതല് സ്ഥിരമായി നാടകങ്ങള് വീക്ഷിച്ചിരുന്നു. നാടകത്തില് അഭിനയിക്കാന് നിരവിധി പേരെ താല്പര്യമറിയിച്ചെങ്കിലും നടനാകാനുള്ള രൂപം പോര എന്നു പറഞ്ഞ് അവസരങ്ങള് നിഷേധിച്ചു. ആ വാശിയില് നാടകം പഠിക്കുവാന് അദ്ദേഹം തീരുമാനിച്ചു.1956ല് 'വിവാഹ ദല്ലാള്' എന്നതായിരുന്നു ആദ്യ നാടകം. 1957ല് സ്വയം എഴുതി തൃപ്പൂണിത്തുറയില് കേരളപ്പിറവി എന്ന നാടകം അവതരിപ്പിച്ചു.
ചങ്ങനാശേി ഗീഥ, കൊല്ലം ട്യൂണ, വൈക്കം മാളവിക, ആറ്റിങ്ങല് പത്മശ്രീ തുടങ്ങി നിരവധി ട്രൂപ്പുകളില് അദ്ദേഹം പ്രവര്ത്തിച്ചു. നാടകത്തില് സജീവമായ സമയത്തു തന്നെ തൃപ്പൂണിത്തുറ കണ്ണംകുളങ്ങര ക്ഷേത്ര വഴിയില് ഒരു മുറുക്കാന് കട തുടങ്ങി. രാജസേനന്റെ അനിയന് ബാവ ചേട്ടന് ബാവ എന്ന ചിത്രത്തിലൂടെ ചലച്ചിത്രരംഗത്ത് പ്രവേശിച്ചു.
സിനിമയില് ശ്രദ്ധേയനായിരുന്നിട്ട് കൂടി ജീവിത പ്രാരാബ്ധങ്ങള് അദ്ദേഹത്തെ അലട്ടിയിരുന്നു. വാര്ധക്യകാലത്തും തൃപ്പൂണിത്തുറയിലെ മുറുക്കാന് കടയില് നിന്ന് ലഭിക്കുന്ന വരുമാനത്തെ ആശ്രയിച്ചായിരുന്നു ജീവിതം. സാമ്പത്തിക ബുദ്ധിമുട്ടുകള്ക്കിടയിലും, ജീവിത ക്ലേശങ്ങള്ക്കിടയിലും കെ.ടി.എസ് പടന്നയിലിന്റെ മുഖത്തെ ചിരി മാഞ്ഞിരുന്നില്ല. ആ ചിരി തന്നെയാണ് മലയാളികളുടെ ഉള്ളിലെ ഇനിയുള്ള ഓര്മയും
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്