കല്‍പ്പറ്റ: വയനാട് ജില്ലയിലെ ചില്ലറ വില്‍പ്പനക്കാരായ ചിക്കന്‍ വ്യാപാരികള്‍ അനിയന്ത്രിതമായ കോഴി വില വര്‍ന്ധനവില്‍ പ്രതിക്ഷേധിച്ച് അനിശ്ചിതകാല കടയടപ്പ് സമരം നടത്താന്‍ ചിക്കന്‍ വ്യാപാരി സമിതി ജില്ലാ കമ്മിറ്റി തീരുമാനിച്ചു.തമിഴ്‌നാട്, കര്‍ണ്ണാടക എന്നിവിടങ്ങളിലെ ഹോള്‍സെയില്‍ കോഴി വ്യാപാരികള്‍ സീസണ്‍ സമയത്തു നടത്തുന്ന ചൂഷണത്തിനെതിരായാണ് സമരം. ഇപ്പോള്‍ തന്നെ ജില്ലയിലെ ചിക്കന്‍ വ്യാപാരികള്‍ വിലവര്‍ദ്ധനവിനെ തുടര്‍ന്നു വലിയ പ്രതിസന്ധിയാണ് നേരിടുന്നത്.നിലവിലെ സാഹചര്യത്തില്‍ ചില്ലറ വ്യാപാരം നാത്തി ക്കൊണ്ടു പോകുന്നത് മൂലം വലിയ സാമ്പത്തിക നഷ്ടമാണ് ഉണ്ടാകുന്നത്. അതു കൊണ്ട് തന്നെ വില വര്‍ദ്ധനവ്‌നിയന്ത്രിക്കുന്നതിനാവശ്യമായ ഇടപ്പെടലുകള്‍ അധികാരികളുടെ ഭാഗത്തു നിന്നും അടിയന്തമായി ഉണ്ടാവണമെന്നും കമ്മിറ്റി ആവശ്യപ്പെട്ടു.യോഗത്തില്‍ ജില്ലാ പ്രസിഡന്റ് സെയ്ത് ഒണ്ടയങ്ങാടി അധ്യക്ഷത വഹിച്ചു.സെക്രട്ടറി കെ എം ഷാജി ബത്തേരി, ട്രഷറര്‍ അബ്ദുള്‍ റൗഫ് കല്‍പ്പറ്റ, മഷൂദ് മാനന്തവാടി, ജംഷീര്‍ തരുവണ, റഷീദ്.ടി.പി എന്നിവര്‍ സംസാരിച്ചു.
അഭിപ്രായങ്ങൾ (Comments)