നിയന്ത്രണങ്ങള് കര്ശനമാക്കും
കല്പ്പറ്റ: കോവിഡ് കേസുകള് വര്ധിക്കുന്ന സാഹചര്യത്തില് പ്രതിരോധ പ്രവര്ത്തനങ്ങളുടെ ഭാഗമായി വയനാട് ജില്ലയില് നിയന്ത്രണങ്ങള് കര്ശനമാക്കും. പ്രതിരോധ പ്രവര്ത്തനങ്ങളുടെ ഭാഗമായി മുന്കാലങ്ങളില് സ്വീകരിച്ചിരുന്ന നടപടികള് പുനരാരംഭിക്കും. തദ്ദേശ സ്ഥാപനതലങ്ങളില് രോഗ പ്രതിരോധത്തിനായി പ്രത്യേക പദ്ധതി തയ്യാറാക്കി സമര്പ്പിക്കുന്നതിന് നിര്ദേശം നല്കിയിട്ടുണ്ട്. ഹോട്ടലുകളില് ഇരുന്ന് ഭക്ഷണം കഴിക്കാന് സാധിക്കുന്നവരെ മാത്രമേ പ്രവേശിപ്പിക്കേണ്ടതുളളു. വിവാഹം, വിവിധ യോഗങ്ങള് എന്നിവയിലും കോവിഡ് മാനദണ്ഡം പാലിക്കേണ്ടതാണ്. ജില്ലയിലെ വിവിധ പ്രദേശങ്ങളില് സെക്ടറല് മജിസ്ട്രേറ്റുമാരുടെ നേതൃത്വത്തിലുള്ള നിരീക്ഷണം കൂടുതല് ശക്തമാക്കും. എല്ലാവരും നിര്ബന്ധമായും മാസ്ക്ക് ധരിക്കുക, സാമൂഹിക അകലം പാലിക്കുക തുടങ്ങിയ കോവിഡ് മാനദണ്ഡങ്ങള് പാലിക്കണമെന്നും ജില്ലാ കളക്ടര് അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്