എം.എസ് വിശ്വനാഥന്‍ നഗരസഭാ കണ്‍സിലര്‍ സ്ഥാനം രാജിവെച്ചു
ബത്തേരി: കോണ്‍ഗ്രസില്‍ നിന്നും രാജിവെച്ച് സിപിഎമ്മില്‍ ചേര്‍ന്ന എം.എസ് വിശ്വനാഥന്‍ സുല്‍ത്താന്‍ ബത്തേരി നഗരസഭാ കൗണ്‍സിലര്‍ സ്ഥാനം രാജിവെച്ചു. ഇന്ന് രാവിലെ നഗരസഭാ സെക്രട്ടറിക്ക് മുമ്പാകെയാണ് രാജി സമര്‍പ്പച്ചത്. ബത്തേരി നഗരസഭയിലെ ഏഴാം ഡിവിഷന്‍ പഴേരിയിലെ കൗണ്‍സിലര്‍ സ്ഥാനമാണ് രാജിവെച്ചത്. നഗരസഭാ ചെയര്‍മാന്‍ ടി.കെ രമേശ്, സി.കെ സഹദേവന്‍ എന്നിവരോടൊപ്പം എത്തിയാണ് രാജിക്കത്ത് നല്‍കിയത്. കോണ്‍ഗ്രസ് വിട്ട് സി.പി.എമ്മുമായി ചേര്‍ന്ന് പ്രവര്‍ത്തിക്കാന്‍ തീരുമാനിച്ചതിനാലാണ് യു.ഡി.എഫ് കൗണ്‍സിലര്‍ സ്ഥാനം രാജിവെച്ചത്. ബത്തേരി നിയോജക മണ്ഡലത്തില്‍ എല്‍.ഡി.എഫിന്റെ സ്ഥാനാര്‍ത്ഥി എം.എസ് വിശ്വനാഥനായിരിക്കുമെന്നാണ് സൂചന.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍