പനമരം പൗരസമിതി പ്രതിഷേധ പ്രകടനം നടത്തി
പനമരം: പരിസ്ഥിതി ലോല മേഖല കരട് വിജ്ഞാപനത്തിനെതിരെ പനമരം പൗരസമിതിയുടെ നേതൃത്വത്തില് പനമരം ടൗണില് പ്രതിഷേധ പ്രകടനം നടത്തി. വയനാടന് ജനതയെ ഒന്നടങ്കം ബാധിക്കുന്ന കരട് വിജ്ഞാപനം പിന്വലിക്കണമെന്നാവശ്യപ്പെട്ടായിരുന്നു സമരം. വയനാടന് കര്ഷകര് പ്രളയം, മണ്ണിടിച്ചില്, വിലത്തകര്ച്ച , കോവിഡ് തുടങ്ങി ദുരിതങ്ങള് മൂലം കാര്ഷിക വിളകള്ക്ക് വിപണി ലഭിക്കാതെ പ്രയാസപ്പെടുന്ന വേളയിലെ ഇടിത്തീ പോലെ വന്ന കേന്ദ്ര പരിസ്ഥിതി മന്ത്രാലയത്തിന്റെ കരിനിയമം നടപ്പിലാക്കിയാല് വരും ദിവസങ്ങളില് ബഹുജനങ്ങളെ സംഘടിപ്പിച്ച് ശക്തമായ സമരങ്ങള്ക്ക് നേതൃത്വം നല്കുമെന്ന് ഭാരവാഹികള് പറഞ്ഞു. എം.ആര്.രാമകൃഷ്ണന് , കെ.സി.സഹദ്, റസാക്ക്.സി. പച്ചിലക്കാട്, കാദറുകുട്ടി കാര്യാട്ട്, വി.ബി.രാജന്, ടി. ഖാലിദ്, മൂസ കൂളിവയല്, എം.ശ്രീജിത്ത്, ഉമ്മര് കേളോത്ത്, നസീര് തിരുവാള് എന്നിവര് നേതൃത്വം നല്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്