ഷാജി ബത്തേരി ബി.ഡി.ജെ.എസ് സംസ്ഥാന ജനറല്‍ സെക്രട്ടറി
ബത്തേരി: ബി.ഡി.ജെ.എസ് സംസ്ഥാന ജനറല്‍ സെക്രട്ടറിയായി ഷാജി ബത്തേരി സംസ്ഥാന കൗണ്‍സിലിലേക്ക് തെരഞ്ഞെടുക്കപ്പെട്ടു. മൂന്ന് പതിറ്റാണ്ട് കാലമായി വയനാട്ടിലെ സാമൂഹ്യ രാഷ്ട്രീയ മണ്ഡലങ്ങളില്‍ സജീവമാണ് ഷാജി. വിദ്യാര്‍ത്ഥി പ്രസ്ഥാനമായ കെ.എസ്.യു വിലൂടെ പൊതുപ്രവര്‍ത്തന രംഗത്ത് എത്തിയ ഷാജി എസ്.എന്‍.ഡി.പി യോഗം വയനാട് യൂണിയന്‍ കൗണ്‍സിലര്‍, എസ്.എന്‍.ഡി.പി യോഗം യൂത്ത് മൂവ്‌മെന്റ് കേന്ദ്ര സമിതി ജോയിന്‍ കണ്‍വീനര്‍, വൈസ് ചെയര്‍മാന്‍, ബത്തേരി എസ്.എന്‍.ഡി.പി യൂണിയന്‍ സെക്രട്ടറി, പ്രസിഡണ്ട്, ചെയര്‍മാന്‍, കണ്‍വീനര്‍, പുല്‍പ്പള്ളി എസ്.എന്‍.ഡി.പി യൂണിയന്‍ കണ്‍വീനര്‍, എസ്.എന്‍.ഡി.പി യോഗം അസിസ്റ്റന്റ് സെക്രട്ടറി, ബി.ഡി.ജെ.എസ് വയനാട് ജില്ലാ പ്രസിഡന്റ് എന്നീ നിലകളില്‍ പ്രവര്‍ത്തിച്ചിട്ടുണ്ട്. കഴിഞ്ഞ 22 വര്‍ഷമായി എസ്.എന്‍ ട്രസ്റ്റ് ഡയറക്ടറും, ഇപ്പോള്‍ എസ്.എന്‍.ഡി.പി യോഗം ഡയറക്ടറുമാണ്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍