രാഘവന്‍ മാസ്റ്റര്‍ അനുസ്മരണം നടത്തി
പുല്‍പ്പള്ളി: വയനാട് ജില്ലയില്‍ വികസന പ്രവര്‍ത്തനങ്ങള്‍ എത്തിക്കുന്നതില്‍ മുന്‍ എംഎല്‍എ രാഘവന്‍ മാസ്റ്റര്‍ നടത്തിയ പ്രവര്‍ത്തനങ്ങള്‍ വയനാട്ടുകാര്‍ക്ക് മറക്കാനാവില്ലെന്ന് പുല്‍പ്പള്ളി ഗ്രാമപഞ്ചായത്ത് പ്രസിഡന്റ് ടി.എസ് ദിലീപ് കുമാര്‍. ഗോത്ര വിഭാഗങ്ങളില്‍പ്പെട്ടവരെ മുഖ്യധാരയില്‍ എത്തിക്കുന്നതിന് രാഘവന്‍ മാസ്റ്റര്‍ നടത്തിയ പ്രവര്‍ത്തനം മാതൃകാപരമാണെന്നും അദ്ദേഹം പറഞ്ഞു. പുല്‍പ്പള്ളിയില്‍ മുന്‍ എംഎല്‍എ കെ.രാഘവന്‍ മാസ്റ്റരുടെ ഇരുപത്തിയഞ്ചാം ചരമവാര്‍ഷികത്തോട് അനുബന്ധിച്ച് നടത്തിയ അനുസ്മരണ സമ്മേളനത്തില്‍ സംസാരിക്കുകയായിരുന്നു ടി.എസ് ദിലീപ് കുമാര്‍. മാനന്തവാടി നഗരസഭ കൗണ്‍സിലര്‍ ജേക്കബ്ബ് സെബാസ്റ്റ്യന്‍ അധ്യക്ഷത വഹിച്ചു.ഡോ.പ്രഭാകരന്‍, മുന്‍ എംഎല്‍എരാധാ രാഘവന്‍, വിന്‍സെന്റ്, ഗ്രേസി വിന്‍സെന്റ്, വി.എം പൗലോസ്, കെ.വി ക്ലീറ്റസ്, അര്‍ജുന്‍ എന്നിവര്‍ പ്രസംഗിച്ചു. പുഷ്പാര്‍ച്ചനയും നടത്തി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍