കടുവയെ കൂടുവെച്ച് പിടികൂടാന് നടപടിയായി
പുല്പ്പള്ളി: പുല്പ്പള്ളി കൊളവള്ളിയിലെ ജനവാസ കേന്ദ്രത്തില് നാലു ദിവസമായി ഭീതിപരത്തുന്ന കടുവയെ കൂടു വെച്ച് പിടികൂടാന് നടപടിയായി. ഐ.സി.ബാലകൃഷ്ണന് എം.എല്.എ വനംവകുപ്പ് ഉദ്യോഗസ്ഥ്യരുടെയും നാട്ടുകാരുടെയും നേതൃത്വത്തില് നടത്തിയ ചര്ച്ചയെ തുടര്ന്നാണ് കൂട് സ്ഥാപിക്കാന് നടപടിയായത്. ഇന്ന് വൈകിട്ടോടെ രണ്ട് കൂടുകള് സ്ഥാപിക്കാനും കടുവ കൂട്ടില് കുടുങ്ങാത്ത സാഹചര്യം ഉണ്ടായാല് മയക്കുവെടിവെച്ച് പിടികൂടുന്നതിനുള്ള നടപടികള് സ്വീകരിക്കാനും യോഗത്തില് തീരുമാനമായി. വൈകുന്നേരം ആറ് മണിയോടെ കൂട് സ്ഥാപിക്കാനുള്ള അനുമതി ലഭിച്ചാലുടന് കൂട് സ്ഥാപിക്കാനുള്ള തയ്യാറെടുപ്പിലാണ് വനംവകുപ്പ് അധികൃതര്. ചര്ച്ചയില് ഐ. സി. ബാലകൃഷ്ണന് എംഎല്എ, ബ്ലോക്ക് പഞ്ചായത്ത് പ്രസിഡന്റ് ഗിരിജാ കൃഷ്ണന്, ഗ്രാമ പഞ്ചായത്ത് പ്രസിഡന്റ് പി.കെ.വിജയന്, ഗ്രാമ പഞ്ചായത്ത് വൈസ് പ്രസിഡന്റ് ലില്ലി തങ്കച്ചന് ,ഗ്രാമ പഞ്ചായത്ത് അംഗം ഷിനു കച്ചിറയില്, ചെതലയം റെയ്ഞ്ചര് പി.ശശികുമാര് ,ഫോറസ്റ്റര് മണികണ്ഠന്, എന്.യു. ഉലഹന്നാന്, വര്ഗ്ഗീസ് മുരിയംകാവില് എന്നിവര് ചര്ച്ചയില് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്