വാഹനമോഷണക്കേസിലെ പ്രതികള്‍ പിടിയില്‍
ബത്തേരി: രണ്ടുമാസം മുമ്പ് ബത്തേരി റഹ്മത്ത് നഗര്‍ സ്വദേശിയായ ചൈനാനിക്കല്‍ ജിനീഷിന്റെ പിക്കപ്പ് വാന്‍ മോഷ്ടിച്ച കേസില്‍ മൂന്നുപേര്‍ പോലീസ് പിടിയില്‍. മലപ്പുറം സ്വദേശികളായ അങ്ങാടിപ്പുറം പള്ളിപ്പുറമ വീട്ടില്‍ മുഹമ്മദാലി (43), തേലക്കാട് തളിയില്‍ രത്‌നകുമാര്‍ (42), തമിഴ്‌നാട് ചേരമ്പാടി മഞ്ഞംപ്രിയത്തില്‍ നസീര്‍ (55) എന്നിവരെയാണ് ബത്തേരി പോലീസ് അറസ്റ്റ് ചെയ്തത്. മോഷ്ടിച്ച പിക്കപ്പ് വാന്‍ തമിഴ്‌നാട്ടില്‍ വിറ്റെന്നാണ് പ്രതികള്‍ പോലീസിന് നല്‍കിയ വിവരം. മുഹമ്മദാലിയും രത്‌നകുമാറും അഗളിയിലെ ഒരു തോട്ടത്തില്‍ ജോലിചെയ്തുവരുകയായിരുന്നു. നസീറിനെ പെരുന്തല്‍മണ്ണയില്‍ നിന്നാണ് പിടികൂടിയത്. പ്രതികള്‍ മുമ്പ് കഞ്ചാവുകേസുകളില്‍ പ്രതികളായിരുന്നുവെന്ന് പോലീസ് പറഞ്ഞു. ബത്തേരി എസ്.ഐ. പി.ജി. രാംജിത്ത്, സീനിയര്‍ സിവില്‍ പോലീസ് ഓഫീസര്‍ ടി.ഡി. സന്തോഷ്, സിവില്‍ പോലീസ് ഓഫീസര്‍ എ.വി. നൗഫല്‍ എന്നിവരടങ്ങിയ സംഘമാണ് പ്രതികളെ പിടികൂടിയത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍