വയോധികയെ പൊള്ളലേറ്റ് മരിച്ചനിലയില് കണ്ടെത്തി
ബത്തേരി: ബത്തേരി പഴുപ്പത്തൂര് കാവുംകരകുന്ന് ആലുംപറമ്പില് പരേതനായ കറപ്പന്റെ ഭാര്യ തങ്ക (63) യെയാണ് ഇന്ന് രാവിലെ തീപ്പൊള്ളലേറ്റ നിലയില് കണ്ടെത്തിയത്. വീട്ടില് നിന്നും തീ ഉയരുന്നത് കണ്ട് അയല്വാസികള് സ്ഥലത്തെത്തിയപ്പോഴാണ് തങ്കയെ പെള്ളലേറ്റനിലയില് കണ്ടത്. ഉടനെ തീ യണച്ചെങ്കിലും തങ്കയെ രക്ഷപ്പടുത്താനായില്ലെന്ന് നാട്ടുകാര് പറഞ്ഞു. മകന് രാധാകൃഷ്ണനോടൊപ്പമാണ് ഇവര് താമസിച്ച് വന്നിരുന്നത്. ഇയ്യാള് ജോലിക്ക് പോയതിന് ശേഷമാണ് സംഭവമെന്നാണ് സൂചന. വിവാഹിതയായ മകള് ഓമന ഭര്തൃഗൃഹത്തിലാണ്. ബത്തേരി പോലീസ് സ്ഥലത്തെത്തി തുടര് നടപടികള് സ്വീകരിച്ചുവരുന്നു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്