വയോധിക ദമ്പതികള് ആത്മഹത്യ ചെയ്ത സംഭവം: മകളുടെ അസുഖത്തെ തുടര്ന്നുള്ള മനോവിഷമത്താലെന്ന് ബന്ധുക്കള്
പുല്പ്പള്ളി: പുല്പ്പള്ളി മുള്ളന്കൊല്ലി പാതിരി ചെങ്ങാഴശ്ശേരി കരുണാകരന് (80), ഭാര്യ സുമതി (77) എന്നിവരുടെ ആത്മഹത്യക്ക് പിന്നില് കടുത്ത മനോവിഷമമാണെന്ന് സൂചന.ഹൃദയ സംബന്ധമായ അസുഖങ്ങളോടൊപ്പം മാനസിക വൈകല്യവും പ്രകടിപ്പിച്ചിരുന്ന അവിവാഹിതയായ മകളുടെ അവസ്ഥയില് കൂടെ താമസിച്ചു വന്നിരുന്ന വയോധിക ദമ്പതികള് ഏറെ വിഷമിച്ചിരുന്നതായി ബന്ധുക്കള് പറഞ്ഞു. മറ്റ് രണ്ട് പെണ്മക്കളും വിവാഹിതരായി സമീപ പ്രദേശത്തെ ഭര്തൃഗൃഹങ്ങളിലാണുള്ളത്. മരുന്നിന്റെ ക്ഷീണത്തില് ഉറങ്ങിപ്പോയ മകള് രാത്രി വൈകി എണീറ്റപ്പോള് അച്ഛനേയും, അമ്മയേയും കാണാത്തത്തതിനാല് മുന്വാതില് തുറന്ന് പുറത്തേക്കിറങ്ങവേയാണ് മുന്വശത്ത് ഇരുവരേയും തൂങ്ങിയ നിലയില് കണ്ടെത്തിയത്.ഉടനെ അയല്വാസികളെത്തി പുല്പ്പള്ളി സാമൂഹികാരോഗ്യ കേന്ദ്രത്തില് എത്തിച്ചുവെങ്കിലും മരിക്കുകയായിരുന്നു. തുടര്നടപടികള്ക്ക് ശേഷം മൃതദേഹങ്ങള് ബത്തേരി താലൂക്കാശുപത്രി മോര്ച്ചറിയിലേക്ക് മാറ്റും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്