വ്യാപാരി വ്യവസായി ഏകോപന സമിതി പ്രതിഷേധ ധര്ണ്ണ നടത്തി
പുല്പ്പള്ളി:വ്യാപാരി വ്യവസായി ഏകോപന സമിതി സംസ്ഥാന വ്യാപകമായി നടത്തുന്ന പ്രതിഷേധ സമരത്തിന്റെ ഭാഗമായി പുല്പ്പള്ളിയിലെ 10 കേന്ദ്രങ്ങളില് പ്രതിഷേധ ധര്ണ്ണകള് സംഘടിപ്പിച്ചു.കണ്ടെയ്ന്മെന്റ് സോണുകളിലെ അപാകതകള് പരിഹരിക്കുക,വാടക കുടിയാന് നിയമം ഉടന് നടപ്പിലാക്കുക,രണ്ടു വര്ഷം പൂര്ത്തിയായ പ്രളയ സെസ് നിര്ത്തലാക്കുക,സെക്ടറല് മജിസ്ട്രേറ്റ്മാരുടെ വ്യാപാരി ദ്രോഹ നടപടികള് അവസാനിപ്പിക്കുക, വഴിയോര കച്ചവടം പൂര്ണ്ണമായും നിര്ത്തലാക്കുക,കാലഹരണപ്പെട്ട ജി.എസ്.ടി യുടെ പേരിലുള്ള പീഡനങ്ങള് അവസാനിപ്പിക്കുക തുടങ്ങിയ ആവശ്യങ്ങള് ഉന്നയിച്ചു കൊണ്ടാണ് പ്രതിഷേധ ധര്ണ്ണ സംഘടിപ്പിച്ചത്.കോവിഡ് മാനദണ്ഡങ്ങള് പാലിച്ചുകൊണ്ട് അഞ്ചുപേരടങ്ങുന്ന ചെറു സംഘങ്ങളായാണ് ധര്ണ്ണകള് സംഘടിപ്പിച്ചത്. സ്വതന്ത്ര മൈതാനിയില് വെച്ച് നടത്തിയ യൂണിറ്റ് തല പ്രതിഷേധ ധര്ണ്ണയില് പുല്പ്പള്ളി യൂണിറ്റ് പ്രസിഡണ്ട് മാത്യു മത്തായി ആതിര അധ്യക്ഷതവഹിച്ചു. ജില്ലാ വൈസ് പ്രസിഡന്റ് ഇ.ടി. ബാബു ഉദ്ഘാടനം ചെയ്ത പ്രതിഷേധ ധര്ണയില് സെക്രട്ടറി അജിമോന് കെ.എസ്, പി.സി.ബേബി,കെ.ജോസഫ് എന്നിവര് പ്രസംഗിച്ചു.വിവിധ കേന്ദ്രങ്ങളിലായി നടന്ന പ്രതിഷേധ ധര്ണകള്ക്ക് കെ.കെ. അബ്രഹാം, ബാബു.സി.കെ, വികാസ് ജോസഫ്,ഷാജി മോന് ,ടോമി പി.സി, പി.ആര്.വിജയന്, വേണുഗോപാല്, ഇ.കെ. മുഹമ്മദ്, ബാബു രാജേഷ്, ഹംസ, എം.കെ.ബേബി, സക്കീര്, സുനില് ജോര്ജ് , അജേഷ്, പ്രഭാകരന്, പി.എം പൈലി,പി.കെ.വാസുദേവന്, സുധാകരന്,സി.പി.വര്ഗീസ്, സജി വര്ഗീസ്, ഷൈജു, സോഫിയ,സിനി,സുഷമ, ഷീബ എന്നിവര് നേതൃത്വം നല്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്