കോണ്ഗ്രസ് പ്രതിഷേധ പ്രകടനം നടത്തി .
പുല്പ്പള്ളി:മുഖ്യമന്ത്രി പിണറായി വിജയന്റെ പ്രിന്സിപ്പല് സെക്രട്ടറിയായിരുന്ന ശിവശങ്കരനെ എന്ഫോഴ്സ്മെന്റ് അറസ്റ്റ് ചെയ്തതോടെ സ്വര്ണക്കള്ളക്കടത്തില് മുഖ്യമന്ത്രിയുടെ പങ്ക് വ്യക്തമായിരിക്കുകയാണെന്നും ഈ സാഹചര്യത്തില് മുഖ്യമന്ത്രിയുടെ രാജി വെക്കണമെന്നും ആവശ്യപ്പെട്ട് പുല്പ്പള്ളി മണ്ഡലം കോണ്ഗ്രസ് കമ്മിറ്റിയുടെ നേതൃത്വത്തില് ടൗണില് പ്രതിഷേധ കൂട്ടായ്മയും പ്രകടനവും നടത്തി.സ്വര്ണക്കടത്തുമായി ബന്ധപ്പെട്ട് മുഖ്യമന്ത്രിയുടെ പേഴ്സണല് സെക്രട്ടറി ശിവശങ്കരനും, മയക്കുമരുന്ന് കേസില് സി പി എം സംസ്ഥാനസെക്രട്ടറിയുടെ മകന് ബിനീഷ് കോടിയേരിയും അറസ്റ്റിലായ സാഹചര്യത്തില് മുഖ്യമന്ത്രിയുടെ ഓഫീസും, പാര്ട്ടിയും പ്രതിക്കൂട്ടിലായിരിക്കുകയാണ്. ഈ സാഹചര്യത്തില് അടിയന്തരമായി മുഖ്യമന്ത്രി രാജിവെച്ചൊഴിയണമെന്നും ആവശ്യപ്പെട്ടുകൊണ്ടായിരുന്നു ടൗണില് പ്രകടനം നടത്തിയത്.ഡി.സി.സി ജനറല് സെക്രട്ടറി എന് യു ഉലഹന്നാന് പ്രതിഷേധ കൂട്ടായ്മ ഉദ്ഘാടനം ചെയ്തു. മണ്ഡലം പ്രസിഡന്റ് ടി എസ് ദിലീപ്കുമാര് അധ്യക്ഷനായിരുന്നു. സി പി ജോയി, സണ്ണിതോമസ്, രാജീവന് എന്നിവര് സംസാരിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്