കടുവ ആടുകളെ ആക്രമിച്ച് കൊന്നു ;കടുവ ശല്യം രൂക്ഷമാകുന്നതില്‍ നാട്ടുകാരില്‍ വ്യാപക പ്രതിഷേധം
പുല്‍പ്പള്ളി:കൃഷിയിടത്തില്‍ മേയാന്‍ വിട്ട ആടുകളെ കടുവ ആക്രമിച്ച് കൊന്നു.ചീയമ്പം ആനപ്പന്തി കോളനിയിലെ സനീഷിന്റെ രണ്ട് ആടുകളെയാണ് കടുവ ആക്രമിച്ചത്.ഇന്ന് ഉച്ചയോടെ സനീഷും അച്ചന്‍ ബൊമ്മനും ഉള്‍പ്പടെയുള്ളവര്‍ കൃഷിയിടത്തില്‍ നില്‍ക്കുമ്പോഴാണ് കടുവ ആടുകളെ ആക്രമിച്ചത്. വീട്ടുകാര്‍ ബഹളം വെച്ചതിനെ തുടര്‍ന്ന് ഒരാടിനെ കടിച്ചെടുത്ത് ശേഷം കടുവ വനത്തിലേക്ക് ഓടി മറയുകയായിരുന്നു. ഒരു മാസത്തിനിടെ സനീഷിന്റെ 6 ആടുകളാണ് കടുവയുടെ ആക്രമണത്തിനിരയായത്. കടുവ ശല്യത്തിന് അടിയന്തിര പരിഹാരം കണ്ടില്ലെങ്കില്‍ ശക്തമായ ബഹുജന പ്രക്ഷോഭം സംഘടിപ്പിക്കുമെന്ന് നാട്ടുകാര്‍ പറഞ്ഞു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍