കാട്ടാനകള് തമ്മില് ഏറ്റു മുട്ടി;കൊമ്പന് ചെരിഞ്ഞു
മാനന്തവാടി:തിരുനെല്ലി പഞ്ചായത്തിലെ ആലത്തൂര് കാളിക്കൊല്ലിയിലാണ് കാട്ടാന കൂട്ടത്തിന്റെ ആക്രമണത്തില് 45 വയസ്സുള്ള കൊമ്പന് ചെരിഞ്ഞത്.ബേഗൂര് റെയിഞ്ചില്പെട്ട വനത്തിനുള്ളില് വെച്ച് കഴിഞ്ഞ ദിവസം രാത്രി പത്ത് മണിയോട് കൂടിയാണ് സംഭവമെന്ന് വനപാലകര് പറഞ്ഞു.ആക്രമണത്തില് ചെരിഞ്ഞ കൊമ്പന്റെ വയറിനും തലക്കും,ശ്വാസകോശത്തിലും,ഹൃദയത്തിലും ആഴത്തിലുള്ള മുറിവുണ്ട്.വെറ്ററിനറി സര്ജന് ഡോ.അരുണ് സഖറിയയുടെ നേതൃത്വത്തില് പോസ്റ്റ് മോര്ട്ടം നടത്തിയ ശേഷം ജഡം വനത്തില് സംസ്ക്കരിച്ചു.നോര്ത്ത് വയനാട്ഡി എഫ് ഒ രമേശ് ബിഷ്ണോയ്, ബേഗൂര്റെയ്ഞ്ച് ഓഫിസര് വി.രതീശന് ഫ്ളയിംഗ് സ്ക്യാഡ് ഉദ്യോഗസ്ഥര് എന്നിവര്സ്ഥലത്തെത്തി പരിശോധന നടത്തി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്