മുത്തങ്ങയില്‍ ഒരു കോടിയോളം രൂപയുടെ കുഴല്‍പ്പണം പിടികൂടി.
മുത്തങ്ങ:മുത്തങ്ങ തകരപ്പാടി ഫോറസ്റ്റ് ഹണിക്ക് സമീപം വെച്ച് ജില്ലാ പോലീസ് മേധാവിയുടെ കീഴില്‍ പ്രവര്‍ത്തിക്കുന്ന ലഹരി വിരുദ്ധ സ്‌ക്വാഡും, ഡോഗ് സ്‌ക്വാഡും ബത്തേരി എസ്.ഐ കെ.സി മണിയും സംയുക്തമായി നടത്തിയ വാഹന പരിശോധനയില്‍ രേഖകളില്ലാത്ത കടത്തുകയായിരുന്ന 92,50,000(തൊണ്ണൂറ്റി രണ്ട് ലക്ഷത്തി അന്‍പതിനായിരം രൂപ) പിടികൂടി. മൈസൂര്‍ ഭാഗത്തുനിന്നും ബത്തേരി ഭാഗത്തേക്ക് വന്ന കെഎല്‍ 18 വൈ 2292 നമ്പര്‍ റ്റാറ്റ എയ്‌സ് വാഹനത്തില്‍ തക്കാളി പെട്ടികളുടെ ഇടയിലായി 3 പ്ലാസ്റ്റിക് കവറുകളിലായി സൂക്ഷിച്ചതായിരുന്നു പണം. കുറ്റിയാടി സ്വദേശികളായ പാലക്കണ്ടി പി.കെ നവാസ് (54) , നടുക്കണ്ടി എന്‍.കെ ഹാറൂണ്‍ (47) എന്നിവരെ അറസ്റ്റു ചെയ്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍