ഡിജിറ്റല്‍ റിസോഴ്‌സ് ഹബ്ബ് ഉദ്ഘാടനം ചെയ്തു
ബത്തേരി:ബത്തേരി മാര്‍ ബസേലിയോസ് ഐ.റ്റി. ഇ ഡി. എല്‍. എഡ് അധ്യാപക വിദ്യാര്‍ത്ഥികള്‍ക്കായി ഒരു ഡിജിറ്റല്‍ റിസോഴ്‌സ് ഹബ്ബ് തയ്യാറാക്കി. ഇതിന്റെ ഉദ്ഘാടനം ബത്തേരി രൂപത ബിഷപ്പ് ഡോ. ജോസഫ് മാര്‍ തോമസ് നിര്‍വ്വഹിച്ചു. ഇതോടനുബന്ധിച്ച് വയനാട് ജില്ലയിലെ അധ്യാപകപരിശീലകര്‍ക്കും അധ്യാപക വിദ്യാര്‍ത്ഥികള്‍ക്കുമായി ഓണ്‍ലൈന്‍ ടൂള്‍സ് ഫോര്‍ ടീച്ചിംഗ് & ലേണിംഗ് എന്ന വിഷയത്തില്‍ വെബിനാര്‍ സംഘടിപ്പിച്ചു.അറിവ് ഇന്ന് ആരുടേയും കുത്തകയല്ലെന്നും, വീട് ഒരു ക്ലാസ്സ്മുറിയും, ലോകം ഒരു കലാലയവുമായി മാറിയിരിക്കുകയാണെന്നും അദ്ദേഹം അഭിപ്രായപ്പെട്ടു.ഡിജിറ്റല്‍ പേഴ്‌സണാലിറ്റി വളര്‍ത്തിയെടുക്കാന്‍ ഇന്നത്തെ തലമുറയ്ക്ക് കഴിയണമെന്നും, ഇക്കാര്യത്തില്‍ കേരളം പടിഞ്ഞാറന്‍ രാജ്യങ്ങളേക്കാള്‍ ഒരുപാട് പിന്നിലാണെന്നും അദ്ദേഹം പറഞ്ഞു.
പുല്‍പ്പള്ളി പഴശ്ശിരാജ കോളേജ് കമ്പ്യൂട്ടര്‍ അപ്ലിക്കേഷന്‍സ് വിഭാഗം അസി. പ്രൊഫ. ശ്രീമതി. നിതാ ഫ്രാന്‍സിസ് സെഷനുകള്‍ കൈകാര്യം ചെയ്തു . വയനാട് ജില്ലയിലെ വിവിധ അധ്യാപക പരിശീലനസ്ഥാപനങ്ങളില്‍ നിന്നുമായി നൂറിലധികം വിദ്യാര്‍ത്ഥികള്‍ പങ്കെടുത്ത ചടങ്ങില്‍ ഐ.റ്റി. ഇ പ്രിന്‍സിപ്പാള്‍ ശ്രീ. ബിനോജ്.റ്റി സ്വാഗതവും സ്റ്റാഫ് സെക്രട്ടറി ശ്രീമതി നസിയ ഹിഷാം നന്ദിയും രേഖപ്പെടുത്തി.വിദ്യാര്‍ത്ഥികളായ ശ്രീ. നിവേദ് പി.എസ്, ശ്രീ. അനന്ദു പരേരി, ശ്രീമതി അര്‍ച്ചന ബാലചന്ദ്രന്‍ എന്നിവര്‍ നേതൃത്വം വഹിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍