ബാങ്കുകളുടെ മുന്നിലെ തിരക്ക് ഒഴിവാക്കാന്‍ തീരുമാനം
പുല്‍പ്പള്ളി:സൗത്ത് ഇന്ത്യന്‍ ബാങ്കിലെയും കാനറ ബാങ്കിന്റെയും മുന്നിലെ തിരക്ക് ഒഴിവാക്കുന്നതിനായി പോലീസിന്റെയും ബാങ്ക് അധികൃതരുടെയും വ്യാപാരികളുടെയും നേതൃത്വത്തില്‍ നടന്ന ചര്‍ച്ചയില്‍ തീരുമാനമായി. ബാങ്കിലെത്തുന്നവര്‍ സാമൂഹിക അകലം കര്‍ശനമായി പാലിക്കാനും കൂടുതല്‍ കൗണ്ടറുകള്‍ തുറന്ന് തിരക്ക് ഒഴിവാക്കുവാനും ധാരണയായി.കുറച്ച് ദിവസങ്ങളായി കോവിഡ് മാനദണ്ഡങ്ങള്‍ പാലിക്കാതെ ബാങ്കുകള്‍ക്ക് മുന്നില്‍ ജനം കൂട്ടം കൂടി നില്‍ക്കുന്നത് നിയന്ത്രിക്കുന്നതിന്റെ ഭാഗമായി ബാങ്കിലെത്തുന്നവര്‍ക്ക് രാവിലെ തന്നെ കൂപ്പണുകള്‍ വിതരണം ചെയ്തും ഇടപാടുകള്‍ നടത്തുന്നതിന് സൗകര്യം ഒരുക്കാനാണ് തീരുമാനം.ഇതിനായി പെന്‍ഷന്‍ ഉള്‍പടെയുള്ള ആവശ്യങ്ങള്‍ക്ക് എത്തുന്നവര്‍ക്ക് പ്രത്യേക കൗണ്ടറുകള്‍ തുറക്കാനും തീരുമാനിച്ചു.പുല്‍പ്പള്ളി സിഐ ബെന്നി കെ.പി,എസ്‌ഐ അജീഷ് കുമാര്‍, കാനറ ബാങ്ക് മാനേജര്‍ഖ അനില്‍കുമാര്‍, സൗത്ത് ഇന്ത്യന്‍ ബാങ്ക് മാനേജര്‍ ദീപക് ,വ്യാപാരി വ്യവസായി പ്രസിഡന്റ് മത്തായി ആതിര, എന്നിവരുടെ നേത്യത്വത്തില്‍ നടന്ന ചര്‍ച്ചയിലാണ് തീരുമാനമായത്.ഇതിനു പുറമേ ബാങ്കിനു മുമ്പില്‍ ആള്‍ക്കൂട്ടം നിയന്ത്രിക്കാന്‍ പോലീസിന്റെ ഭാഗത്തുനിന്ന് നടപടിയുണ്ടാകുമെന്നും അധികൃതര്‍ പറഞ്ഞു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍