സിവില്‍ സര്‍വീസ് പരീക്ഷ; റാങ്ക് ജേതാക്കളെ അനുമോദിച്ചു
ബത്തേരി :ഈ വര്‍ഷത്തെ ഇന്ത്യന്‍ സിവില്‍ സര്‍വ്വീസ് പരീക്ഷയില്‍ 542 മത് റാങ്ക് നേടി യ ബത്തേരി നായ്ക്കട്ടി സ്വദേശി ഹസ്സന്‍ ഉസൈദിനേയും 553 ആം റാങ്ക് നേടിയ മഞ്ജു ചന്ദ്രനെയും സിപിഐഎം വയനാട് ജില്ലാ കമ്മിറ്റി അഭിനന്ദിച്ചു. ജില്ലാ സെക്രട്ടറി പി ഗഗാറിന്‍ ഉപഹാരം നല്‍കി.നായ്ക്കട്ടി സ്‌കൂളിലെ പ്രധാന അദ്ധ്യാപകനായ അസൈന്‍ മാസ്റ്ററുടെയും മുത്തങ്ങ ഗവണ്‍മെന്റ് എല്‍ പി സ്‌കൂള്‍ പ്രധാനഅധ്യാപികയായ സൈനബ യുടെയും മകനാണ് ഹസ്സന്‍ ഉസൈദ്,ഹോം ഗാര്‍ഡായ കാട്ടിക്കുളം ഓലിയോട് അറക്കല്‍രാമചന്ദ്രന്റെയും,പത്മയുടേയും മകളാണ് മഞ്ജു ചന്ദ്രന്‍. ശ്രീധന്യ സുരേഷിന് ശേഷം സിവില്‍ സര്‍വീസ് നേട്ടം കൈവരിച്ച് വയനാട് ജില്ലയ്ക്ക് അഭിനമായി മാറിയ ഇവര്‍ക്ക് എല്ലാവിധ ആശംസകളും നേതാക്കള്‍ നേര്‍ന്നു.ബത്തേരിയില്‍ നായ്ക്കട്ടിയില്‍ സിപിഐഎം ജില്ലാ സെക്രട്ടറിയേറ്റ് അംഗമായ വിവി ബേബി,ജില്ലാ കമ്മിറ്റി അംഗം പി ആര്‍ ജയപ്രകാശ്, ഏരിയ സെക്രട്ടറി ബേബി വര്‍ഗീസ്,ശോഭന്‍കുമാര്‍ എന്നിവരും കാട്ടിക്കുളത്ത് ജില്ലാ സെക്രട്ടറിയേറ്റ് അംഗമായ പി വി സഹദേവന്‍, സി കെ ശങ്കരന്‍ എന്നിവരും ചടങ്ങില്‍ പങ്കെടുത്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍