പിണറായി വിജയന്‍ മുഖ്യമന്ത്രി സ്ഥാനം രാജിവെച്ച് അന്വേഷണം നേരിടണം:കെ.എല്‍.പൗലോസ്
പുല്‍പ്പള്ളി:അഴിമതിയില്‍ മുങ്ങിക്കുളിച്ച മുഖ്യമന്ത്രി പിണറായി വിജയന്‍ മുഖ്യമന്ത്രി സ്ഥാനം രാജിവെച്ച് അന്വേഷണം നേരിടണമെന്ന് കെ.പി.സി.സി എക്‌സീക്യൂട്ടീവ് അംഗം കെ.എല്‍.പൗലോസ്.എന്‍ഐഎ യുടെ പുതിയ വെളിപ്പെടുത്തലും പ്രതിപക്ഷ നേതാവ് ഉന്നയിച്ച ആരോപണങ്ങളും വാസ്തവമാണെന്നും തെളിഞ്ഞിരിക്കുകയാണെന്നും മുഖ്യമന്ത്രിയുടെ ഓഫീസ് നേരിട്ട് കള്ളക്കടത്തിന് കൂട്ടുനിന്നതായി തെളിഞ്ഞ സാഹചര്യത്തില്‍ മുഖ്യമന്ത്രി രാജിവെയ്ക്കണമെന്നും അദ്ദേഹം പറഞ്ഞു.പുല്‍പ്പള്ളി രാജീവ് ഭവനില്‍ നടന്ന ബ്ലോക്ക് കോണ്‍ഗ്രസ് കമ്മറ്റിയുടെ നേതൃത്വത്തില്‍ നടത്തിയ ഉപവാസ സമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പിണറായി വിജയന്‍ രാജിവെയ്ക്കുക സേവ് കേരള എന്നീ മുദ്രവാക്യങ്ങളുമായി കെപിസിസി സംസ്ഥാന വ്യാപകമായി നടത്തുന്ന സമരത്തിന്റെ ഭാഗമായിയായിരുന്നു ഉപവാസം .ബ്ലോക്ക് പ്രസിഡന്റ് ജോസഫ് പെരിവേലിയില്‍ അധ്യക്ഷത വഹിച്ചു.ഡിസിസി ജനറല്‍ സെക്രട്ടറി ഉലഹന്നാന്‍ നീറന്താനം, ജോര്‍ജ് തട്ടാപ്പറമ്പില്‍, സണ്ണി തോമസ്, കെ.എല്‍ ജോണി, റെജി പുളിക്കുന്നേല്‍, ജോമന്റ് എന്നിവര്‍ പ്രസംഗിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍