കണ്ടെയ്ന്‍മെന്റ് സോണുകളിലേക്ക് അവശ്യസാധനങ്ങളുമായി കണ്‍സ്യൂമര്‍ഫെഡിന്റെ സഞ്ചരിക്കുന്ന ത്രിവേണി
പുല്‍പ്പള്ളി:വയനാട് ജില്ലയിലെ കണ്ടെയ്ന്‍മെന്റ് സോണുകളായി പ്രഖ്യാപിച്ച സ്ഥലങ്ങളിലെ ഭക്ഷ്യ ക്ഷാമം പരിഹരിക്കുന്നതിനായി കണ്‍സ്യൂമര്‍ഫെഡ് ഇടപെടുന്നു. ജില്ലയിലെ ഈ പ്രദേശങ്ങളില്‍ അവശ്യ സാധനങ്ങളുമായി കണ്‍സ്യൂമര്‍ ഫെഡിന്റെ സഞ്ചരിക്കുന്ന ത്രിവേണി പുല്‍പ്പള്ളിയില്‍ വെച്ച് കണ്‍സ്യൂമര്‍ഫെഡ് ഡയറക്ടര്‍ ഇ.എ. ശങ്കരന്‍ ഫ്‌ളാഗ് ഓഫ് ചെയ്തു.തുടര്‍ന്ന് ജില്ലയിലെ വിവിധ പഞ്ചായത്തുകളിലെ അവശ്യ സാധന ക്ഷാമമനുഭവിക്കുന്ന സ്ഥലങ്ങളില്‍ സഞ്ചരിക്കുന്ന ത്രിവേണി എത്തിച്ചേരും.തിങ്കള്‍, ചൊവ്വ ദിവസങ്ങളില്‍ പുല്‍പ്പള്ളി പഞ്ചായത്ത്, ബുധന്‍, വ്യാഴം ദിവസങ്ങളില്‍ മുള്ളന്‍കൊല്ലി പഞ്ചായത്തിലും വെള്ളി,ശനി ദിവസങ്ങളില്‍ തിരുനെല്ലി പഞ്ചായത്തിലും, സഞ്ചരി ക്കുന്ന ത്രിവേണി എത്തിച്ചേരും.
അരി, മുളക്, പഞ്ചസാര, തുടങ്ങിയ അവശ്യ പലചരക്ക് സാധനങ്ങള്‍ ഉള്‍പ്പെടെ എല്ലാവിധ കോസ്മറ്റിക്‌സ് സാധനങ്ങളും സഞ്ചരിക്കുന്ന ത്രിവേണിയി ല്‍ ലഭ്യമാണ്. കൂടാതെ വിദ്യാര്‍ത്ഥികള്‍ക്കാവശ്യമായ ഗുണനിലവാരവും, വില കുറവുമു ള്ള ത്രിവേണി നോട്ട് ബുക്കുകളും, മറ്റ് പഠനോപകരണങ്ങളും സഞ്ചരിക്കുന്ന ത്രിവേണിയില്‍ ലഭ്യമാണ്.സാമൂഹിക അകലം പാലിച്ച് കൊണ്ടും , കോവിഡ് നിയന്ത്രണങ്ങള്‍ക്ക് വിധേയമായും പൊതുജനങ്ങള്‍ക്ക് ഈ സേവനം ലഭ്യമാകുന്നതാണ്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍