മീനങ്ങാടി:വീട്ടില്‍വെച്ച് ചാരായം വാറ്റി വില്‍ക്കുന്നതായി ജില്ലാ പോലീസ് മേധാവി ആര്‍.ഇളങ്കോ ഐപിഎസിന് ലഭിച്ച രഹസ്യ വിവരത്തെ തുടര്‍ന്ന് ജില്ലാ നാര്‍കോട്ടിക് ഡിവൈഎസ്പി വി.രജികുമാറിന്റെ നിര്‍ദ്ദേശപ്രകാരം സബ് ഇന്‍സ്‌പെക്ടര്‍ ജോണ്‍സണ്‍ കൊറിയയുടെ നേതൃത്വത്തിലുള്ള ജില്ലാ ആന്റി നാര്‍ക്കോട്ടിക് സ്‌പെഷല്‍ ആക്ഷന്‍ ഫോഴ്‌സും മീനങ്ങാടി പോലീസ് സ്‌റ്റേഷന്‍ സബ് ഇന്‍സ്‌പെക്ടര്‍ പ്രേംദേവാസും സംഘവും സംയുക്തമായി നടത്തിയ പരിശോധനയില്‍ ഒന്നര ലിറ്റര്‍ വാറ്റു ചാരായവും,വാഷും വാറ്റുപകരണങ്ങളും പിടികൂടി.കണിയാമ്പറ്റ കരണി കല്ലുവയല്‍ കരിംകുളം സി.രാധാകൃഷ്ണന്‍(53) ന്റെ പേരില്‍ അബ്കാരി ആക്ട് പ്രകാരം കേസ് രജിസ്റ്റര്‍ ചെയ്തു.ചാരായം വാറ്റിക്കൊണ്ടിരിക്കവെയാണ് ഇയാളെ പിടികൂടിയത്.
അഭിപ്രായങ്ങൾ (Comments)