ബലാത്സംഗ കേസിലെ പിടികിട്ടാപ്പുള്ളി അറസ്റ്റില്‍
പുല്‍പ്പള്ളി:പുല്‍പ്പള്ളി പാതിരി സ്വദേശിയായ യുവതിയെ വിവാഹ വാഗ്ദാനം നല്‍കി ഭീഷണിപ്പെടുത്തി ബലാത്സംഗം ചെയ്ത കേസില്‍ ഒളിവില്‍ കഴിയുകയായിരുന്നപ്രതിയെ രണ്ടുവര്‍ഷത്തിനുശേഷം പുല്‍പ്പള്ളി പോലീസ് അറസ്റ്റ് ചെയ്തു. തൃശ്ശൂര്‍ കോലഴി ചെറിയേലി വീട്ടില്‍ ദിലീപ് സി എ (39) ആണ് പിടിയിലായത്. സംഭവത്തിനുശേഷം കേരളത്തിന്റെ പല ഭാഗങ്ങളിലായി പല പേരുകളില്‍ ഒളിവില്‍ കഴിഞ്ഞിരുന്ന ഇയാള്‍ മുന്‍പ് പലവട്ടം പോലീസിന്റെ കയ്യില്‍ നിന്നും വഴുതി രക്ഷപ്പെടുകയായിരുന്നു. 2012 ല്‍ പാലക്കാട് ജില്ലയില്‍ പ്രായപൂര്‍ത്തിയാകാത്ത പെണ്‍കുട്ടിയെ തട്ടിക്കൊണ്ടുപോയി ബലാത്സംഗം ചെയ്ത കേസില്‍ ഇയാളെ പാലക്കാട് ജില്ലാ കോടതി പിടികിട്ടാപ്പുള്ളിയായി പ്രഖ്യാപിച്ചിട്ടുണ്ട്.മാനന്തവാടി ഡിവൈഎസ്പി ചന്ദ്രനു ലഭിച്ച രഹസ്യവിവരത്തിന്റെ അടിസ്ഥാനത്തില്‍ പുല്‍പ്പള്ളി സിഐ കെ പി ബെന്നിയും എസ് ഐ അജീഷ് കുമാര്‍ സിവില്‍ പോലീസ് ഓഫീസര്‍ മാരായ ആഷ്‌ലി, ടോണി ,സുരേഷ്, വിജേഷ് എന്നിവരാണ് മൂവാറ്റുപുഴയില്‍ വേഷം മാറി ഒളിച്ചു താമസിക്കുകയായിരുന്ന ഇയാളെ അറസ്റ്റ് ചെയ്തത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍