അനുജന്‍ ജ്യേഷ്ഠനെ വെട്ടിപരിക്കേല്‍പ്പിച്ചു
ബത്തേരി:ബത്തേരി കൈപ്പഞ്ചേരി സ്വദേശി തുലാമറ്റം ഫാരിസ് (24) നെയാണ് സഹോദരന്‍ ഇസ്മായില്‍ (22) വെട്ടി പരിക്കേല്‍പ്പിച്ചത്. പരിക്കേറ്റ ഫാരിസ് ബത്തേരി താലൂക്ക് ആശുപത്രിയില്‍ ചികിത്സയിലാണ്. ഇന്ന് മൂന്നരയോടെ ബത്തേരി ഗ്യാസ് പമ്പിന് സമീപത്ത് വെച്ചാണ് സംഭവം. പെയിന്റിംഗ് ജോലിക്കാരനായ ഫാരിസിന്റെ കണ്ണൂര്‍ സ്വദേശിയായ സുഹൃത്ത് കഴിഞ്ഞ മൂന്ന് വര്‍ഷമായി ഇവരുടെ വീട്ടില്‍ താമസിച്ചുവരികയായിരുന്നു. ഫാരിസിന്റേയും, ഇസ്മായിലിന്റേയും വിവാഹം കഴിഞ്ഞതോടെ സുഹൃത്തിനെ വീട്ടില്‍ താമസിപ്പിക്കാന്‍ പറ്റില്ലെന്ന് ഇസ്മായിലും ഇവരുടെ മാതാവും ഫാരിസിനോട് ആവശ്യപ്പെട്ടതോടെയാണ് പ്രശ്‌നങ്ങളുടെ തുടക്കം.ഇതോടെ ഫാരിസ് അനുജന്‍ ഇസ്മായിലുമായി വാക്കുതര്‍ക്കമുണ്ടാവുകയായിരുന്നു.മുത്തങ്ങയില്‍ താമസിക്കുന്ന മൂത്ത സഹോദരന്റെ വീട്ടില്‍ പോയ ഇസ്മായിലിനെ അവിടെയെത്തി കഴിഞ്ഞദിവസം ഫാരിസ് വെല്ലുവിളിച്ചതായി പറയുന്നു.തുര്‍ന്ന് ഇന്ന് വൈകുന്നേരം കയ്യില്‍ ആയുധവുമായി എത്തിയ ഇസ്മായില്‍ ജ്യേഷ്ഠനെ വെട്ടുകയായിരുന്നു എന്നാണ് പോലീസ് പറയുന്നത്. ഇസ്മായിലിനെ പോലീസ് കസ്റ്റഡിയിലെടുത്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍