പെട്രോള് ,ഡീസല് വില വര്ദ്ധനവ് പിന്വലിക്കണം:ഐ എന് ടി യു സി
കല്പ്പറ്റ:കോവിഡ് 19 ന്റെ മറവില് ദിവസേന രാജ്യത്ത് ഇന്ധനവില വര്ദ്ധനവ് നടപ്പിലാക്കിക്കൊണ്ട് ജനസമൂഹത്തെ കൊള്ളയടിക്കുന്ന കേന്ദ്ര സര്ക്കാര് നടപടിയില് പ്രതിഷേധിച്ച് കൊണ്ട് മോട്ടോര് തൊഴിലാളി ഫെഡറേഷന് ഐഎന്ടി യുസി വയനാട് ജില്ലാ കമ്മിറ്റിയുടെ നേതൃത്വത്തില് കല്പ്പറ്റ ടെലിഫോണ് എക്സ്ചേഞ്ചിന് മുമ്പില് പ്രതിഷേധ ധര്ണ്ണ നടത്തി.ധര്ണ്ണാ സമരം ഐഎന്ടിസി ജില്ലാ പ്രസിഡണ്ട് പി.പി ആലി ഉദ്ഘാടനം ചെയ്തു. അന്താരാഷ്ട്ര വിപണിയില് ചരിത്രത്തില് ഇല്ലാത്ത വിധം ക്രൂഡോയിലിന് വലിയ തോതില് വില കുറഞ്ഞിട്ടും രാജ്യത്ത് ഇന്ധന വില കുറക്കാതെ കേന്ദ്ര സര്ക്കാര് ജനങ്ങളെ ഈ മഹാമാരി കാലത്ത് കരുതികൂട്ടി ബുദ്ധിമുട്ടിക്കുകയാണെന്ന് അദ്ദേഹം പറഞ്ഞു.ഫെഡറേഷന് ജില്ലാ പ്രസിഡണ്ട് ഗിരീഷ് കല്പ്പറ്റ അധ്യക്ഷനായിരുന്നു സാലിറാട്ടക്കൊല്ലി, കെ കെ രാജേന്ദ്രന് ,ഷൗക്കത്ത് ടി , സുവിത്ത് സി ,അസീസ് ,കെ റഫീക്ക് എന്നിവര് സംസാരിച്ചു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്