വയനാട്ടില്‍ ആറ് പേര്‍ക്ക് കോവിഡ് 19 സ്ഥിരീകരിച്ചു ; രോഗബാധ ഇതര സംസ്ഥാന തൊഴിലാളികള്‍ക്കും, തലപ്പുഴ സ്വദേശിനിക്കും, മീനങ്ങാടി സ്വദേശിനിക്കും
മാനന്തവാടി:വയനാട് ജില്ലയില്‍ ആശങ്കയുണര്‍ത്തി ആറ് പേര്‍ക്ക് കോവിഡ് 19 സ്ഥിരീകരിച്ചു. നാല് ഇതര സംസ്ഥാന തൊഴിലാളികള്‍ക്കും,കോഴിക്കോട് മെഡിക്കല്‍ കോളേജില്‍ ചികിത്സയില്‍ കഴിയുന്ന മീനങ്ങാടി കൃഷ്ണഗിരി സ്വദേശിനിയായ 24 കാരിക്കും, തലപ്പുഴ സ്വദേശിയും, വൃക്കരോഗിയുമായ മധ്യ വയസ്‌കയ്ക്കുമാണ് രോഗബാധ സ്ഥിരീകരിച്ചത്. ബത്തേരി പൂളവയലിലെ സ്വകാര്യ റിസോര്‍ട്ടില്‍ ജോലിയെടുക്കുന്ന 3 വെസ്റ്റ് ബംഗാള്‍ സ്വദേശികള്‍ക്കും, ഒരു ഒഡീസക്കാരനുമാണ് രോഗം സ്ഥിരീകരിച്ചത്. മുന്‍കരുതല്‍ നിരീക്ഷണത്തിന്റെ ഭാഗമായുള്ള പരിശോധനയിലാണ് അതിഥി സംസ്ഥാന തൊഴിലാളികള്‍ക്ക് രോഗബാധ സ്ഥിരീകരിച്ചത്. ഇവരെ ജില്ലാശുപത്രി കോവിഡ് സെന്ററിലേക്ക് മാറ്റി. ഡയാലിസിസ് സൗകര്യം കൂടി മുന്‍നിര്‍ത്തി തലപ്പുഴ സ്വദേശിനിയെ കോഴിക്കോട് മെഡിക്കല്‍ കോളേജിലെ കോവിഡ് സെന്ററിലേക്ക് മാറ്റി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍