കാട്ടാനയുടെ ആക്രമണത്തില് വീടുകള്ക്ക് നാശനഷ്ടം സംഭവിച്ചു
തിരുനെല്ലി:തിരുനെല്ലി പഞ്ചായത്തിലെ അരണപ്പാറയിലും തോല്പ്പെട്ടി ചെറിയ നായിക്കട്ടി കോളനിയിലും കാട്ടാനയുടെ ആക്രമണത്തില് വീടുകള്ക്ക് നാശനഷ്ടങ്ങള് സംഭവിച്ചു.അരണപ്പാറ ചോലയില് ആയിഷയുടെ വീടിന്റെ മുന്വശത്തെ ഓടും പട്ടികയും ആന തകര്ത്തു. പുലര്ച്ചെ അഞ്ചരയോടെയായിരുന്നു സംഭവം. തോല്പ്പെട്ടി ചെറിയ നായ്ക്കട്ടി കോളനിയിലെ തിമ്മന്റെ വീടിനു നേരെയും കാട്ടാനയുടെ ആക്രമണമുണ്ടായി. ഇദ്ദേഹത്തിന്റെ വീടിന്റെ കുറച്ച് ഓടുകള് കാട്ടാനയുടെ ആക്രമണത്തില് തകര്ന്നു.വര്ധിച്ചു വരുന്ന വന്യമൃഗശല്യത്തിന് പരിഹാരം കാണണമെന്ന് ആവശ്യപ്പെട്ട് പ്രദേശവാസികള് പ്രതിഷേധിച്ചു. സ്ഥലത്തെത്തിയ വനം വകുപ്പ് ഉദ്യോഗസ്ഥരെ തടയുകയും ചെയ്തു.തോല്പെട്ടി റെയ്ഞ്ച് ഓഫീസര് പി. സുനില്, ബേഗൂര് റെയ്ഞ്ച് ഓഫീസര് വി. രതീശന്, തിരുനെല്ലി ഡെപ്യൂട്ടി റെയ്ഞ്ച് ഓഫീസര് എം.വി.ജയപ്രസാദ് എന്നിവര് പ്രദേശവാസികളുമായി നടത്തിയ ചര്ച്ചയില് ആയിഷയ്ക്ക് നഷ്ടപരിഹാരം നല്കുമെന്നും വന്യമൃഗശല്യം തടയുന്നതിന് ആവശ്യമായ നടപടി സ്വീകരിക്കാമെന്നും അറിയിച്ചതിനെ തുടര്ന്ന് പ്രതിഷേധം അവസാനിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്