ആഘോഷ കൂട്ടായ്മകളൊഴിവാക്കി ഈസ്റ്ററിനെ വരവേല്ക്കാന് ക്രൈസ്തവര് ഒരുങ്ങി
പുല്പ്പള്ളി:ലോകത്തിന്റെ പാപങ്ങള്ചുമലിലേറ്റി കുരിശിലേറിയ യേശുദേവന് മൂന്നാംനാള് ഉയിര്ത്തെഴുന്നേറ്റതിന്റെ ഓര്മ്മപുതുക്കി ലോകമെങ്ങുമുള്ള ക്രൈസ്തവര് നാളെ ഈസ്റ്റര് ആഘോഷിക്കും.യേശു ക്രിസ്തുവിന്റെ പുനരുത്ഥാനത്തിന്റെ ഓര്മ്മ കൊണ്ടാടുന്ന ദിനമാണ് ഈസ്റ്റര്. ഭൂരിപക്ഷം ക്രിസ്തുമത വിശ്വാസികളും ഈ ദിവസം സുപ്രധാന പുണ്യദിനമായി ആഘോഷിക്കുന്നു.തിന്മയുടെയും അസത്യത്തിന്റെയും ജയം താല്ക്കാലികം ആണെന്നും ഭൂരിപക്ഷത്തോടൊപ്പം വളഞ്ഞവഴികള് തേടാതെ കഷ്ടങ്ങള് സഹിച്ചും സത്യത്തിനു വേണ്ടി നിലനില്ക്കണം എന്നതുമാണ് ഈസ്റ്റര് പകര്ന്നു നല്കുന്ന പാഠം.കൊറോണ വ്യാപന നിയന്ത്രണ പശ്ചാത്തലത്തില് ആഘോഷ കൂട്ടായ്മകളൊഴിവാക്കി ഈസ്റ്ററിനെ വരവേല്ക്കാന് ഒരുങ്ങുകയാണ് ക്രൈസ്തവര്അന്പത് ദിവസത്തെ നോമ്പാചരണത്തിന്റെ വിശുദ്ധിയോടെയാണ് വിശ്വാസികള് ഈസ്റ്റര് ആഘോഷിക്കുന്നത്. ഒശാന ഞായറിനാരംഭിച്ച വിശുദ്ധവാരവും നാളെ അവസാനിക്കുകയാണ്. ഉയിര്പ്പുതിരുനാള് ആചരിക്കുമ്പോള് പാപത്തെ കീഴടക്കി പുതിയ മനുഷ്യനായി ഉയിര്ത്തെഴുന്നേല്ക്കുമെന്ന വിശ്വാസമാണ് െ്രെകസ്തവര്ക്കുള്ളത്. ദുഃഖവെള്ളിയാഴ്ചക്ക് ശേഷം വരുന്ന ഞായറാഴ്ചയാണ് ഈസ്റ്റര് ആചരിക്കുന്നത്.
ദാരിദ്ര്യത്തിന്റെയും അവശതയുടെയും അടിച്ചമര്ത്തലിന്റെയും ഇരയായി കഷ്ടതയുടെ പടുകുഴി ദര്ശിക്കുന്ന മാനവസമൂഹത്തിന് പ്രത്യാശയുടെയും നവജീവിതത്തിന്റെയും ഉള്വിളിയും ഉല്സവവുമാണ് യേശുക്രിസ്തുവിന്റെ ഉയിര്പ്പു പെരുന്നാള്. കുരിശുമരണത്തെ ജയിച്ച് ക്രിസ്തു ഉത്ഥാനം ചെയ്തതിന്റെ ഓര്മയില് ദേവാലയങ്ങളില് ഇന്ന് വൈകിട്ട് മുതല് തന്നെ വിശ്വാസികള് ഇല്ലാതെ തിരുക്കര്മ്മങ്ങള് നടക്കും.ഈസ്റ്ററിനെ വരവേല്ക്കാനുള്ള തയ്യാറെടുപ്പിലാണ് െ്രെകസ്തവ വിശ്വാസികള്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്