അനധികൃത മണല്‍ ഖനനം രണ്ട് പേരെ അറസ്റ്റ് ചെയ്തു; ട്രാക്ടര്‍ പിടിച്ചെടുത്തു;പ്രതികള്‍ റിമാണ്ടില്‍
തിരുനെല്ലി:തിരുനെല്ലി കാപ്പുംകൊല്ലി തോട്ടില്‍ നിന്നും അനധികൃത മണല്‍ഖനനം നടത്തി ട്രാക്ടറില്‍ കയറ്റി വില്‍പ്പന നടത്താനുള്ള ശ്രമത്തിനിടെ രണ്ട് പേരെ തിരുനെല്ലി പോലീസ് അറസ്റ്റ് ചെയ്തു. ട്രാക്ടര്‍ ്രൈഡവറായ തൃശിലേരി കുറിച്ച്യന്‍മൂല പ്രദീപന്‍ (42), കാപ്പന്‍കൊല്ലി കോളനി രഘു (35) എന്നിവരാണ് അറസ്റ്റിലായത്. ഇന്ന് രാവിലെ എട്ടരയോടെ തോട്ടില്‍ നിന്നും മണല്‍കടത്താനുള്ള ശ്രമത്തിനിടെ തിരുനെല്ലി പോലീസ് ഇന്‍സ്‌പെക്ടര്‍ സുരേഷ് കുമാര്‍, എസ്.ഐ ജയപ്രകാശ് എന്നിവരടങ്ങുന്ന സംഘമാണ് മണല്‍കടത്ത് പിടികൂടിയത്. ട്രാക്ടറും പിടിച്ചെടുത്തിട്ടുണ്ട്. പ്രതികള്‍ക്കെതിരെ മോഷണക്കുറ്റത്തിനും, പുഴയോര സംരക്ഷണ നിയമപ്രകാരവും കേസുകളെടുത്തു. കോടതിയില്‍ ഹാജരാക്കിയ പ്രതികളെ റിമാണ്ട് ചെയ്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍