കാവുംമന്ദം:ഉത്തര കേരള മലയന്‍ സമുദായോദ്ധാരണ സംഘം വയനാട് ജില്ലാ സമ്മേളനം കാവുംമന്ദം ബാങ്ക് ഹാളില്‍ (കെ.ടി ഗോവിന്ദന്‍ നഗറില്‍) വെച്ച് നടന്നു.തരിയോട് ഗ്രാമപഞ്ചായത്ത് പ്രസിഡണ്ട് ഷീജ ആന്റണി സമ്മേളനത്തിന്റെ ഉത്ഘാടനം നിര്‍വ്വഹിച്ചു.ഉത്തര കേരള മലയന്‍ സമുദായോദ്ധാരണ സംഘം വയനാട് ജില്ലാ പ്രസിഡണ്ട് ബി.പ്രദീപ് വയനാട് അദ്ധ്യക്ഷത വഹിച്ചു.രക്ഷാധികാരി ശ്രീകുട്ടി രാമന്‍ പണിക്കര്‍ പതാക ഉയര്‍ത്തി.കവിയും സാമൂഹ്യ പ്രവര്‍ത്തകനുമായ ശില്‍പ്പി ബി.പ്രദീപ് വയനാടിനെ സമ്മേളനത്തില്‍ ആദരിച്ചു.സംസ്ഥാന കമ്മിറ്റി മെമ്പര്‍ ഉത്തമന്‍ ആലക്കോട് മുഖ്യ പ്രഭാഷണം നടത്തി.സമുദായത്തിലെ 10, +2, ഡി ഗ്രി, പി ജി, കലാകായിക മത്സരാര്‍ത്ഥികളെ അനുമോദിച്ചു.ഖജാന്‍ജി കൃഷ്ണദാസ് കോട്ടത്തറ,സെക്രട്ടറി വിനോദന്‍ സി കെ. മറ്റുമെമ്പര്‍മാരും പങ്കെടുത്തു.പുതിയ ഭാരവാഹികളായി കൃഷ്ണദാസ് കോട്ടത്തറ ജില്ലാ പ്രസിഡണ്ട്, സെക്രട്ടറി ചന്ദ്രന്‍ വി.കെ , ഖജാന്‍ജി ബിജു മോന്‍ പൊങ്ങിനി എന്നിവര്‍ സ്ഥാനമേറ്റു.
അഭിപ്രായങ്ങൾ (Comments)