പത്ത് വയസുകാരി മരണപ്പെട്ടു;പാമ്പ് കടിയേറ്റതായി സംശയം
ബത്തേരി: ബത്തേരി സര്വ്വജന ഹയര് സെക്കണ്ടറി സ്കൂളിലെ അഞ്ചാം ക്ലാസ്സ് വിദ്യാര്ത്ഥിനി പുത്തന്കുന്ന് നത്തന് ഹൗസ് അഡ്വ. അസീസിന്റെയും അഡ്വ. സജ്നയുടെയും മകള് ഷഹ് ല ഷെറിന് (10) ആണ് മരിച്ചത്. ഇന്ന് വൈകിട്ട് 3 മണിയോടെ ക്ലാസ് നടക്കുന്നതിന്നിടെ കുട്ടിയുടെ കാല് ഭിത്തിയോട് ചേര്ന്ന പൊത്തില്പ്പെടുകയും കാലില് മുറിവുപറ്റുകയുമായിരുന്നുവെന്നും തുടര്ന്ന് അവശത അനുഭവപ്പെട്ട കുട്ടിയെ ആദ്യം ബത്തേരിയിലെ സ്വകാര്യ ആശുപത്രിയിലും പിന്നീട് താലൂക്ക് ആശുപത്രിയിലും പ്രവേശിപ്പിച്ചതായും ബന്ധപ്പെട്ടവര് പറഞ്ഞു. പിന്നീട് ഡോക്ടറുടെ നിര്ദ്ദേശത്തെ തുടര്ന്ന് കോഴിക്കോട് മെഡിക്കല് കോളേജ് ആശുപത്രിയിലേക്ക് കൊണ്ടും പോകും വഴി കുട്ടിയുടെ സ്ഥിതി വഷളാവുകയും വൈത്തിരി ചേലോട് ആശുപത്രിയില് പ്രവേശിപ്പിച്ചൂവെങ്കിലും കുട്ടി മരിക്കുകയായിരുന്നു.മുറിവില് നിന്നും രക്തം വന്നതോടെ മറ്റു കുട്ടികള് അധ്യാപകരോട് വിവരം അറിയിച്ചതായും, വിദ്യാര്ത്ഥിനിയുടെ കാല് പരിശോധിച്ചപ്പോള് പാമ്പ് കടിയേറ്റതു പോലുള്ള പാടുകള് കണ്ടതായും പറയുന്നുണ്ട്. ഉടനെ കുട്ടിയുടെ പിതാവിനെ സ്കൂള് അധികൃതര് വിവരം അറിയിച്ചു. പിതാവ് എത്തിയതിനു ശേഷം സ്കൂള് അധികൃതരും ചേര്ന്ന് ആദ്യം ബത്തേരിയിലെ സ്വകാര്യ ആശുപത്രിയിലും പിന്നീട് താലൂക്ക് ആശുപത്രിയിലും പ്രവേശിപ്പിച്ചു. പിന്നീട് ഡോക്ടറുടെ നിര്ദ്ദേശത്തെ തുടര്ന്ന് കോഴിക്കോട് മെഡിക്കല് കോളേജ് ആശുപത്രിയിലേക്ക് കൊണ്ടും പോകും വഴി കുട്ടിയുടെ സ്ഥിതി വഷളാവുകയും വൈത്തിരി ചേലോട് ആശുപത്രിയില് പ്രവേശിപ്പിക്കുകയുമായിരുന്നു. ഇവിടെ വച്ച് വിദ്യാര്ത്ഥിനി മരണപ്പെടുകയായിരുന്നു. പാമ്പ് കടിയേറ്റാണ് മരണമെന്നാണ് സൂചന.സഹോദരങ്ങള്:അമീക ജുബിന്, ആഹില് ഇഹ്സാന്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്