ഡ്രൈവര് ചേട്ടന് സൂപ്പറാ...! പക്ഷേ, നൈസായി പണി കിട്ടി..!! ഡ്രൈവര് ബസ് ഓടിച്ചു കുട്ടികള് ഗിയര് മാറ്റി;വീഡിയോ വൈറല്, ഡ്രൈവര്ക്ക് ലൈസന്സും പോയി
കല്പ്പറ്റ:വിനോദയാത്രയ്ക്കിടെ ഓടിക്കൊണ്ടിരിക്കുന്ന ബസിന്റെ ഗിയര് മാറ്റാന് കുട്ടികള്ക്ക് അവസരം നല്കിയ ഡ്രൈവറുടെ ലൈസന്സ് മോട്ടോര് വാഹന വകുപ്പ് ആറുമാസത്തേക്ക് സസ്പെന്ഡ് ചെയ്തു. എം. ഷാജി എന്നയാളുടെ ലൈസന്സ് ആണ് സസ്പെന്ഡ് ചെയ്തത്.ഈ അടുത്ത് കല്പ്പറ്റ എന്.എം.എസ്. കോളേജിലെ ഒരു സംഘം വിദ്യാര്ത്ഥികളുടെ ഗോവയിലേക്കുള്ള വിനോദയാത്രയ്ക്കിടെയായിരുന്നു സംഭവം. ഡ്രൈവര് ബസ് ഓടിക്കുകയും രണ്ട് പെണ്കുട്ടികള് ക്യാബിനിലിരുന്ന് ഗിയര് മാറ്റുകയും ചെയ്യുകയാണ് ഉണ്ടായത്. ഇതിന്റെ വീഡിയോ പിന്നീട്വൈറല് ആവുകയും ചെയ്തിരുന്നു.വീഡിയോ ശ്രദ്ധയില്പ്പെട്ട മോട്ടോര് വാഹനവകുപ്പ് അധികൃതര് അന്വേഷിച്ച് നടപടി സ്വീകരിക്കുകയായിരുന്നു.
എന്ഫോഴ്സ്മെന്റ് ആര്.ടി.ഒ. ബിജു ജെയിംസിന്റെ നേതൃത്വത്തില് െ്രെഡവറെ മോട്ടോര് വാഹന വകുപ്പിന്റെ ഓഫീസിലേക്ക് വിളിച്ച് വരുത്തി. ചോദ്യം ചെയ്യലില് ഷാജി കുറ്റം സമ്മതിച്ചതായും ഇനി ആവര്ത്തിക്കില്ലെന്ന് എഴുതി നല്കിയതായും മോട്ടോര് വാഹന വകുപ്പ് അധികൃതര് പറഞ്ഞു. എന്നിരുന്നാലും അപകടകരമായ രീതിയില് വാഹനം ഓടിച്ചതിനാണ് ഷാജിയുടെ ലൈസന്സ് ആറുമാസത്തേക്ക് സസ്പെന്ഡ് ചെയ്തത്. നവംബര് 15 മുതല് ആറു മാസത്തേക്കാന് ലൈസന്സ് സസ്പെന്ഡ് ചെയ്തത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്