ഓട്ടോറിക്ഷയ്ക്ക് നേരെ കാട്ടാനയുടെ ആക്രമണം : ഓട്ടോ ഡ്രൈവര്‍ക്ക് പരിക്ക്
തിരുനെല്ലി:ഓട്ടോറിക്ഷയ്ക്ക് നേരെ കാട്ടാനയുടെ ആക്രമണം. ഇന്നലെ രാത്രി 9.30 ഓടെ അപ്പപാറയില്‍ നിന്നും തിരുനെല്ലിയിലേക്ക് ആളെ എടുക്കാന്‍ പോകുന്നതിനിടെ തിരുനെല്ലി പോലീസ് സ്‌റ്റേഷന് സമീപത്ത് വെച്ചാണ് ഓട്ടോക്ക് നേരെ കാട്ടാനയുടെ ആക്രമണമുണ്ടായത്.ആക്രമണത്തെ തുടര്‍ന്ന് അപ്പപ്പാറ സ്വദേശിയും ഓട്ടോ ഡ്രൈവറുമായ കടമ്പുകാട്ടില്‍ കഌറ്റസ് (37) ന് പരിക്കേറ്റു. തുടര്‍ന്ന് ഇദ്ദേഹത്തെ ജില്ലാശുപത്രിയില്‍ പ്രവേശിപ്പിച്ചു. ഓട്ടോറിക്ഷയ്ക്കും കേടുപാടുകള്‍ സംഭവിച്ചിട്ടുണ്ട്. വനപാലകര്‍ സ്ഥലത്തെത്തി തുടര്‍ നടപടികള്‍ സ്വീകരിച്ചു.ഓടിക്കൊണ്ടിരുന്ന ഓട്ടോറിക്ഷയുടെ പിന്നാലെയെത്തിയ കാട്ടാന തുമ്പികൈ കൊണ്ട് ഓട്ടോയുടെ പിന്‍ഭാഗത്ത് അടിച്ചതായി ക്ലീറ്റസ് പറയുന്നു. തുടര്‍ന്ന് മറിഞ്ഞു വീണ ഓട്ടോയില്‍ നിന്ന് എഴുന്നേറ്റ് ഓടിയതിനാല്‍ വലിയ അപകടത്തില്‍ നിന്ന് ക്ലീറ്റസ് രക്ഷപ്പെടുകയായിരുന്നു. നാട്ടുകാരുടെ സഹായത്താല്‍ രാത്രി തന്നെ ക്‌ളീറ്റസിനെ മാനന്തവാടിയിലെ ജില്ലാ ആശുപത്രിയില്‍ പ്രവേശിപ്പിച്ചു.ആശുപത്രിയിലേക്ക് പോകുന്ന വഴിയും വാഹനത്തിന് നേരെ ആന ചീറിയടുത്തതായും പറയുന്നുണ്ട്. ഓട്ടോറിക്ഷയ്ക്ക് കേടുപാടുകള്‍ സംഭവിച്ചിട്ടുണ്ട്. വനപാലകര്‍ സ്ഥലത്തെത്തി തുടര്‍ നടപടികള്‍ സ്വീകരിച്ചു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍