2 ലക്ഷം രൂപയോളം വിലവരുന്ന 4600 പാക്കറ്റ് നിരോധിത പുകയില ഉത്പ്പന്നങ്ങള്‍ പിടികൂടി
മുത്തങ്ങ:മുത്തങ്ങ എക്‌സൈസ് ചെക്‌പോസ്റ്റില്‍ നടത്തിയ വാഹനപരിശോധനയില്‍ 4600 പാക്കറ്റ് നിരോധിത പുകയില ഉത്പന്നങ്ങള്‍ പിടികൂടി. ചില്ലറ വിപണിയില്‍ 2 ലക്ഷത്തോളം രൂപ വിലവരുന്ന 57 കിലോഗ്രാം നിരോധിത പുകയില ഉത്പ്പന്നങ്ങളാണ് പിടിച്ചത്.കെ.എസ്.ആര്‍.ടി.സി യുടെ ബാംഗ്ലൂര്‍ തിരുവനന്തപുരം സ്‌കാനിയ ബസ്സില്‍ നിന്നുമാണ് മുത്തങ്ങ എക്‌സൈസ് ചെക്ക്‌പോസ്റ്റ് സര്‍ക്കിള്‍ ഇന്‍സ്‌പെക്ടര്‍ ടി.എം മജു വും സംഘവും പുകയില ഉത്പന്നങ്ങള്‍ പിടിച്ചത്.സംഭവവുമായി ബന്ധപ്പെട്ട് യാത്രക്കാരായ ആസാം സ്വദേശികളായ ഇനാമുള്‍ ഹുസൈന്‍ (28),അബുബക്കര്‍ സിദ്ദീക്ക് (44) എന്നിവരെ കസ്റ്റഡിയിലെടുത്തു.പ്രതികളെ പിന്നീട്‌സു ല്‍ത്താന്‍ ബത്തേരി പൊലീസിന് കൈമാറി.പുകയില ഉത്പന്നങ്ങള്‍ പെരുമ്പാവൂരില്‍ ചില്ലറ വില്‍പ്പനക്ക് കൊണ്ടുപോകുന്നതാണെന്ന് പ്രതികള്‍ പറഞ്ഞു. പരിശോധനയില്‍ എക്‌സൈസ് ഇന്‍സ്‌പെക്ടര്‍ എസ്. ബൈജു , പ്രിവന്റീവ് ഓഫീസര്‍മാരായ എം.കെ.ഗോപി,കെ.വി ഷാജി, സിവില്‍ എക്‌സൈസ് ഓഫീസര്‍മാരായ പി. വി. രജിത്ത്, ജോഷി തുംബാനം എന്നിവരും പങ്കെടുത്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍