വിദ്യാര്‍ത്ഥികള്‍ പുഴയില്‍ മുങ്ങിമരിച്ചു
അമ്പലവയല്‍:കോഴിക്കോട് ചേവായൂര്‍ ചെറുവറ്റ പുഴയില്‍ അമ്പലവയല്‍ സ്വദേശികളായ 2 വിദ്യാര്‍ത്ഥികള്‍ മുങ്ങി മരിച്ചു. അമ്പലവയല്‍ ആണ്ടൂര്‍ ചീനപ്പുല്ല് വെട്ടിക്കുന്നേല്‍ റെജിനിഷ ദമ്പതികളുടെ മകന്‍ ആല്‍ബിന്‍ (19), ആയിരംകൊല്ലി കല്ലിങ്കല്‍ അബ്ദുള്‍ അസീസ്‌നൗഷിദ ദമ്പതികളുടെ മകന്‍ അമര്‍ (18) എന്നിവരാണ് മരണപ്പെട്ടത്. ഇന്നലെ വൈകുന്നേരം കൂട്ടുകാരുമൊത്ത് പുഴയില്‍ കുളിക്കാനിറങ്ങിയപ്പോഴാണ് അപകടം സംഭവിച്ചത്. ആല്‍ബിന്റെ മൃതദേഹം ഇന്നലെ രാത്രിയോടെയും അമറിന്റെ മൃതദേഹം ഇന്ന് രാവിലെയുമാണ് കണ്ടെത്തിയത്. ആല്‍ബിന്‍ കോഴിക്കോട് അല്‍ഫോണ്‍സാ കോളേജിലെയും, അമര്‍ ജെ.ഡി.റ്റി കോളേജിലെയും ഒന്നാം വര്‍ഷ ബിരുദ വിദ്യാര്‍ത്ഥികളാണ്. സുഹൃത്തുക്കളായ ഇരുവരും വെള്ളിമാടുകുന്ന് ഗ്രീന്‍സ് ഹോസ്റ്റലിലായിരുന്നു താമസിച്ചിരുന്നത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍