യാത്രാ നിരോധനം;മുഖ്യമന്ത്രി കേന്ദ്ര വനം പരിസ്ഥിതി വകുപ്പു മന്ത്രിയുമായി കൂടിക്കാഴ്ച നടത്തി
ഡല്ഹി:ബന്ദിപ്പൂര് ദേശീയപാതയിലെ യാത്രാനിരോധന പ്രശ്നം പരിഹരിക്കുവാന് ഉടന് ഇടപെടണമെന്ന് കേന്ദ്ര വനം പരിസ്ഥിതി വകുപ്പു മന്ത്രി പ്രകാശ് ജാവദേക്കറെ നേരില് കണ്ട് മുഖ്യമന്ത്രി ആവശ്യപ്പെട്ടു. ഇന്ന് ഡല്ഹിയില് വെച്ച് നടത്തിയ കൂടിക്കാഴ്ചയിലാണ് മുഖ്യമന്ത്രി പിണറായി വിജയന് കേന്ദ്ര വനം പരിസ്ഥിതി വകുപ്പു മന്ത്രി പ്രകാശ് ജാവദേക്കറോട് വയനാടിന്റെ ആവശ്യം അറിയിച്ചത്. ഇപ്പോള് രാത്രി ഒമ്പത് മുതല് രാവിലെ ആറു വരെയുള്ള നിരോധനം ഇനി മുതല് പൂര്ണ നിരോധനമാക്കാനുള്ള നടപടിക്കെതിരെ കേരളത്തില് പ്രത്യേകിച്ച് വയനാട്ടില് പ്രതിഷേധം ശക്തമാകുന്നതും ശ്രദ്ധയില്പ്പെടുത്തി.ഇത് സംബന്ധിച്ച് പഠിക്കാനും അടിയന്തിര പഠന റിപ്പോര്ട്ട് സമര്പ്പിക്കാനും ഒരു വിദഗ്ദ്ധ സമിതിയെ ചുമതലപ്പെടുത്തും. ഇതില് കേരള സര്ക്കാരിന്റെ അഭിപ്രായവും പരിഗണിക്കും. ഇത് സംബന്ധിച്ച് കേരളത്തിലെ ജനങ്ങള് നേരിടുന്ന പ്രശ്നങ്ങള് ശ്രദ്ധയില് പെട്ടിട്ടുണ്ടെന്നും എന്നാല് സുപ്രിം കോടതി നിര്ദ്ദേശമായതിനാല് കേന്ദ്രത്തിന് പരിമിതമായി മാത്രമേ ഇടപെടാനാകൂ എന്നും കേന്ദ്ര മന്ത്രി അറിയിച്ചു. എന്നാല് വിഷയം പഠിച്ച ശേഷം ഇത് സംബന്ധിച്ച കേന്ദ്രത്തിന്റെ നിലപാട് സുപ്രീം കോടതിയെ അറിയിക്കും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്