രാത്രിയാത്ര നിരോധനം കേന്ദ്ര ശ്രദ്ധയില്പ്പെടുത്തും:രാഹുല്ഗാന്ധി ; മുഖ്യമന്ത്രിയുമായി ചര്ച്ച നടത്തി
ന്യൂഡല്ഹി:വയനാട്ടിലെ ബന്ദിപ്പൂര് രാത്രിയാത്രാ നിരോധനം സംബന്ധിച്ച് വയനാട് എം.പി രാഹുല് ഗാന്ധി മുഖ്യമന്ത്രി പിണറായി വിജയനുമായി ചര്ച്ച നടത്തി.രാത്രി യാത്രാനിരോധനം ജനങ്ങള്ക്ക് വലിയ ബുദ്ധിമുട്ടുണ്ടാക്കുന്നുണ്ടെന്നും ഇതിന് എത്രയും വേഗം പരിഹാരം കാണണമെന്നും മുഖ്യമന്ത്രിയോട് ആവശ്യപ്പെട്ടതായി രാഹുല് പറഞ്ഞു.വിഷയം കേന്ദ്രത്തിന്റെ ശ്രദ്ധയില്പ്പെടുത്താമെന്ന് മുഖ്യമന്ത്രി ഉറപ്പ് നല്കിയിട്ടുണ്ടെന്നും രാഹുല് ഗാന്ധി കൂട്ടിച്ചേര്ത്തു.രണ്ട് ദിവസത്തിനുള്ളില് വയനാട് സന്ദര്ശിക്കുമെന്നും രാഹുല് അറിയിച്ചു.ദുരിതാശ്വാസ സഹായ വിതരണം, പ്രളയബാധിതരുടെ പുനരധിവാസം തുടങ്ങിയ വിഷയങ്ങളും മുഖ്യമന്ത്രിയുമായി ചര്ച്ച ചെയ്തു.രാത്രിയാത്രാ നിരോധനം സംബന്ധിച്ച് സംസ്ഥാന സര്ക്കാര് കേന്ദ്രസര്ക്കാരുമായി വിഷയം ചര്ച്ചചെയ്യുന്നുണ്ടെന്നും പ്രശ്നത്തിന് എത്രയും വേഗം പ്രശ്നം പരിഹരിക്കാന് ശ്രമിക്കുന്നുണ്ടെ'ന്നും മുഖ്യമന്ത്രി പറഞ്ഞതായി രാഹുല് വ്യക്തമാക്കി.
അതേസമയം,ദേശീയപാത 766 ലെ രാത്രിയാത്രാ നിരോധനം നീക്കണമെന്നാവശ്യപ്പെട്ടുള്ള സംയുക്ത സമരസമിതിയുടെ അനിശ്ചിതകാല നിരാഹാര സമരം തുടരുകയാണ്. ദേശീയ പാതയില് കഴിഞ്ഞ 10 വര്ഷമായി നിലനില്ക്കുന്ന രാത്രി യാത്രാ നിരോധനത്തിനെതിരെ കേരളം നല്കിയ ഹര്ജി പരി?ഗണിക്കവേ പകല്കൂടി പാത അടയ്ക്കുന്നതിനെ കുറിച്ച് സുപ്രീംകോടതി കേന്ദ്ര വനം പരിസ്ഥിതി മന്ത്രാലയത്തോട് അഭിപ്രായം തേടിയിരുന്നു. ഈ സാഹചര്യത്തിലാണ് കഴിഞ്ഞ ബുധനാഴ്ച മുതല് സംയുക്ത സമരസമിതി സമരം ആരംഭിച്ചത്.
2010 ലാണ് ബന്ദിപ്പൂര് വനമേഖലയിലൂടെ കടന്നുപോകുന്ന ദേശീയപാതയില് രാത്രി ഗതാഗതത്തിന് നിയന്ത്രണമേര്പ്പെടുത്തി കൊണ്ട് കര്ണാടക ഹൈക്കോടതി ഉത്തരവിറക്കിയത്. വന്യജീവികള്ക്ക് കനത്ത ഭീഷണി ഉയര്ത്തുന്നുവെന്ന് ചൂണ്ടിക്കാട്ടിയായിരുന്നു ഹൈക്കോതിയുടെ ഉത്തരവ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്