മാനന്തവാടി:മാനന്തവാടി ചെറ്റപ്പാലം സ്വദേശിയായ യുവാവിനെ വ്യക്തിവൈരാഗ്യത്തിന്റെ പേരില്‍ മര്‍ദ്ദിച്ച സംഭവത്തില്‍ രണ്ട് പേരെ മാനന്തവാടി പോലീസ് അറസ്റ്റ് ചെയ്തു. ചെറ്റപ്പാലം വരടിമൂല മങ്ങാട്ടുമ്മല്‍ അര്‍ഷാദ്, മൈത്രിനഗര്‍ പാട്ടുപറമ്പില്‍ ഷൈന്‍ പ്രസാദ് എന്നിവരെയാണ് മാനന്തവാടി പോലീസ് അറസ്റ്റ് ചെയ്തത്. ചെറ്റപ്പാലം നിടുമ്പില്‍ യൂനസ് (36) ന്റെ പരാതിപ്രകാരമാണ് പോലീസ് കേസെടുത്തത്. മറ്റൊരു കേസുമായി ബന്ധപ്പെട്ട് ഷൈനിന്റേയും,അര്‍ഷാദിന്റേയും ഫോട്ടോവെച്ച് സോഷ്യല്‍ മീഡിയയില്‍ വ്യാജപ്രചരണം നടത്തിയെന്നാരോപിച്ചാണ് ഇരുവരും തന്നെ ക്രൂരമായി മര്‍ദ്ദിച്ചതെന്ന് യൂനസ് പറഞ്ഞു.മര്‍ദ്ദനത്തെ തുടര്‍ന്ന് മാനന്തവാടി ജില്ലാശുപത്രിയില്‍ ചികിത്സതേടിയ യൂനസിന്റെ പരാതിപ്രകാരം കേസ് രജിസ്റ്റര്‍ ചെയ്ത പോലീസ് കഴിഞ്ഞ ദിവസമാണ് പ്രതികളെ അറസ്റ്റ് ചെയ്തത്. കോടതിയില്‍ ഹാജരാക്കിയ ഇരുവരേയും റിമാണ്ട് ചെയ്തു.
അഭിപ്രായങ്ങൾ (Comments)