അമ്പലവയല് മര്ദ്ദനം;സജീവാനന്ദന് പോലീസ് പിടിയില്.
അമ്പലവയല്:അമ്പലവയലില് തമിഴ്നാട് സ്വദേശികളായ യുവാവിനും യുവതിക്കും മര്ദ്ദനമേറ്റ സംഭവത്തില് പ്രതി സജീവാനന്ദന് പോലീസ് പിടിയില്.ഒളിവില് കഴിയവേ കര്ണ്ണാടകയില് നിന്നുമാണ് പിടിയിലായതെന്നാണ് സൂചന.ഊട്ടി സ്വദേശിയായ യുവാവും കോയമ്പത്തൂര് സ്വദേശിയായ യുവതിയും അമ്പലവയലില് എത്തി ഒരു ലോഡ്ജില് താമസിക്കുമ്പോള് പ്രാദേശിക കോണ്ഗ്രസ് നേതാവ് കൂടിയായ സജീവാനന്ദന് ഇവരുടെ മുറിയിലേക്ക് ഇടിച്ചുകയറുകയായിരുന്നു. തുടര്ന്ന് ഇരുവരോടും ഇയാള് അപമര്യാദയായി പെരുമാറി. ഇതിനെ അവര് എതിര്ത്തതോടെ ബഹളമായി. ലോഡ്ജ് ജീവനക്കാരോട് സജീവാനന്ദന് രണ്ട് പേരെയും ഇറക്കി വിടണമെന്ന് ആവശ്യപ്പെട്ടു. പ്രശ്നമായപ്പോള് ഒതുക്കാന് ഇരുവരെയും ലോഡ്ജ് ജീവനക്കാര് പുറത്താക്കി. ഇതിന് ശേഷം സജീവാനന്ദന് ഇവരെ പിന്തുടര്ന്ന് അമ്പലവയല് ടൗണില് വച്ച് ആക്രമിക്കുകയായിരുന്നെന്നാണ് യുവതി പൊലീസിന് മൊഴി നല്കിയത്. യുവതിയുടെ മൊഴിയുടെ അടിസ്ഥാനത്തില് ബലാത്സംഘ ശ്രമത്തിനും, സ്ത്രീതത്വത്തെ അപമാനിക്കാന് ശ്രമിച്ചതിനും, മുറിയില് അതിക്രമിച്ചുകയറിയതിനും, ഭീഷണിപ്പെടുത്തിയതിനുമുള്പ്പെടെ ജാമ്യമില്ലാ വകുപ്പുകള് പ്രകാരമാണ് പോലീസ് കേസെടുത്തിരിക്കുന്നത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്