നിയന്ത്രണം വിട്ട സ്‌കൂട്ടര്‍ ലോറിയുമായി കൂട്ടിയിടിച്ചു; യാത്രികന്‍ പരുക്കേല്‍ക്കാതെ രക്ഷപ്പെട്ടു
താമരശ്ശേരി :താമരശ്ശേരി ചുരത്തിലെ രണ്ടാം വളവിനും ചിപ്പിലിത്തോടിനുമിടയിലായി കനത്ത മഴയില്‍ നിയന്ത്രണം വിട്ട് റോഡില്‍ തെന്നി നീങ്ങിയ സ്‌കൂട്ടര്‍ ചുരം കയറി വരുന്ന ടിപ്പര്‍ ലോറിയുമായി കൂട്ടിയിടിച്ചാണ് അപകടം നടന്നത്. അപകടത്തില്‍ സ്‌കൂട്ടര്‍ പൂര്‍ണമായും തകര്‍ന്നു. അപകടസമയത്ത് സ്‌കൂട്ടര്‍ യാത്രികനായ ആര്‍മി ഉദ്യോഗസ്ഥന്‍ വാഹനത്തില്‍ നിന്നും ചാടിയതുകൊണ്ട് പരിക്കുകളൊന്നുമേല്‍ക്കാതെ രക്ഷപ്പെട്ടു. അപകടത്തെ തുടര്‍ന്ന് അരമണിക്കൂറോളം ഗതാഗത തടസ്സം നേരിട്ടിരുന്നു. ചുരം സംരക്ഷണ സമിതി പ്രവര്‍ത്തകരും താമരശ്ശേരി ട്രാഫിക്ക് പോലീസ് എ എസ് ഐ അബ്ദുറഹിമാന്റെ നേതൃത്വത്തില്‍ ഉള്ള പോലീസ് സംഘവും സ്ഥലത്തെത്തിയാണ് ഗതാഗതം നിയന്ത്രിച്ചത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍