മാനന്തവാടി കോഴിക്കോട് റോഡില്‍ വെച്ച് ഓട്ടോറിക്ഷയും, ബൈക്കും കൂട്ടിയിടിച്ച് ബൈക്ക് യാത്രികരായ രണ്ട് യുവാക്കള്‍ക്ക് പരുക്കേറ്റു. നാലാംമൈല്‍ കാപ്പുംകുന്ന് കൈപ്പുള്ളി ചന്ദ്രന്റെ മകന്‍ അഖില്‍ (26), പുത്തന്‍വീട് വിനോദ് (35) എന്നിവര്‍ക്കാണ് പരുക്കേറ്റത്. ഇരുവരേയും ജില്ലാശുപത്രിയില്‍ പ്രവേശിപ്പിച്ചു. തലയ്ക്ക് ഗുരുതര പരുക്കേറ്റതിനെ തുടര്‍ന്ന് അഖിലിനെ പിന്നീട് കോഴിക്കോട് മെഡിക്കല്‍ കോളേജ് ആശുപത്രിയിലേക്ക് മാറ്റി. ഇന്നലെ രാത്രി ഒമ്പത് മണിയോടെയായിരുന്നു സംഭവം.