മാനന്തവാടി എരുമത്തെരുവ് ബ്രഹ്മഗിരി ഹോട്ടലിന് മുന്നില്‍ നിയന്ത്രണം വിട്ട ലോറി രണ്ട് ഓട്ടോറിക്ഷകളിലിടിച്ച ശേഷം റോഡരികിലെ മതില്‍ തകര്‍ത്ത ശേഷം പെട്ടികടകളിലേക്ക് ഇടിച്ചുകയറി.അപകടത്തില്‍ ഓട്ടോ ഡ്രൈവര്‍,ലോറി ഡ്രൈവര്‍, പെട്ടിക്കടക്കാരന്‍ എന്നിവര്‍ക്ക് പരിക്കേറ്റു. ഇവരെ ജില്ലാശുപത്രിയില്‍ പ്രവേശിപ്പിച്ചു. ലോറി ഡ്രൈവറുടെ അനാസ്ഥയാണ് അപകടത്തിന് പിന്നിലെന്നാരോപിച്ച് നാട്ടുകാര്‍ തടിച്ചുകൂടി.തുടര്‍ന്ന് ഏറെ നേരം ഗതാഗത തടസ്സമുണ്ടായി.ഇന്ന് രാത്രി 8 മണിയോടെയായിരുന്നു അപകടം.