വയനാട് ഭാഗത്ത് നിന്നും കോഴിക്കോടേക്ക് പോകുകയായിരുന്ന സിമന്റ് കയറ്റി ചരക്ക് ലോറിയാണ് താമരശ്ശേരി ചുരത്തിലെ എട്ടാം വളവില്‍ വെച്ച് നിയന്ത്രണം വിട്ട് റോഡരികിലെ സംരക്ഷണ ഭിത്തിയിടിച്ച് തകര്‍ത്ത ശേഷം കൊക്കയിലേക്ക് ഇടിച്ചിറങ്ങിയത്. ഇന്ന് പുലര്‍ച്ചെ മൂന്ന് മണിക്കാണ് സംഭവം. ലോറി മരത്തിലിടിച്ച് നിന്നതിനാല്‍ കൂടുതല്‍ അപകടമൊന്നും സംഭവിച്ചില്ല. ലോറി  ഡ്രൈവര്‍ക്ക് നിസ്സാര പരുക്കുണ്ട്. തെലങ്കാനയിലെ ലോറിയാണ് അപകടത്തില്‍പ്പെട്ടത്.