റേഡിയോ തെറാപ്പി യൂണിറ്റ് ഉദ്ഘാടനം മെയ് 6 ന്
മാനന്തവാടി: ജില്ലയിലെ ആരോഗ്യമേഖലയെ കൂടുതല് ഉയരങ്ങളിലേക്ക് എത്തിക്കാന് കഴിയുന്ന വിധത്തില് നല്ലൂര്നാട് അംബേദ്ക്കര് മെമ്മോറിയല് ക്യാന്സര് ഹോസ്പിറ്റലില് സ്ഥാപിച്ച ടെലികോബാള്ട്ട് റേഡിയോ തെറാപ്പി യുണിറ്റിന്റെ ഉദ്ഘാടനം മെയ് 6 ന് ഉച്ചക്ക് 2 മണിക്ക് ആരോഗ്യ വകുപ്പ് മന്ത്രി കെ.കെ ശൈലജ നിര്വ്വഹിക്കുമെന്ന് അധികൃതര് വാര്ത്താ സമ്മേളനത്തില് അറിയിച്ചു.10 രോഗികള്ക്ക് കീമോതെറാപ്പി നല്കാന് കഴിയുന്ന എയര് കണ്ടീഷന് ചെയ്ത ആധുനിക രീതിയിലുള്ള കിമോതെറാപ്പി യൂണിറ്റും വാര്ഡുമാണ് സജജീകരിച്ചിട്ടുള്ളത്.നിലവില് ക്യാന്സര് ചികിത്സക്കായി കോഴിക്കോട് മെഡിക്കല് കോളേജ് ,മലബാര് ക്യാന്സര് സെന്റര് ,ആര് സി സി തിരുവനന്തപുരം എന്നിവിടങ്ങളെ ആശ്രയിക്കേണ്ടി വരുന്നത് ആദിവാസി വിഭാഗങ്ങളെയും സാമ്പത്തികമായി പിന്നോക്കാവസ്ഥയിലുമുള്ളവര്ക്ക് പ്രയാസങ്ങള് സൃഷ്ടിക്കുകയും വലിയൊരു വിഭാഗം രോഗികള് ചികിത്സ പൂര്ത്തീകരിക്കാതെ പാതി വഴിയില് ഉപേക്ഷിച്ച് മരണത്തിന് കീഴടങ്ങുകയും ചെയ്യുന്ന സാഹചര്യത്തില് ജില്ലയിലെ ക്യാന്സര് സെന്ററിന്റ് പ്രവര്ത്തനം പൂര്ണ്ണമായ രീതിയില് ആരംഭിക്കുന്നത് രോഗികള്ക്ക് ഏറെ അനുഗ്രഹമായി മാറും.വാര്ത്താ സമ്മേള ന ത്തില് ബ്ളോക്ക് പഞ്ചായത്ത് പ്രസിഡണ്ട് പ്രീതാ രാമന്, കെ ജെ പൈലി, ജസ്റ്റിന് ബേബി, ഡോ: എം സന്തോഷ് കുമാര്, ഡോ: കെ രാജേഷ് എന്നിവര് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്