സര്ക്കാര് ഭൂമിവില്ക്കാന് വ്യാജരേഖ; ഒരാള് കൂടി അറസ്റ്റില്
വ്യാജ ഭൂനികുതി രസീതും കൈവശാവകാശ സര്ട്ടിഫിക്കേറ്റും തയ്യാറാക്കി സ്വകാര്യ വ്യക്തിക്ക് മിച്ചഭൂമി കൈമാറാന് ശ്രമിച്ച സംഭവത്തില് ഒരാളെ കൂടി മാനന്തവാടി പോലീസ് അറസ്റ്റ് ചെയ്തു. ഇടനിലക്കാരനും ഭൂമികൈവശം വെച്ചിരുന്നയാളുമായ പയ്യമ്പള്ളി പുതിയിടം നികുഞ്ജം പ്രകാശന്(45)ആണ് അറസ്റ്റിലായത് .മാനന്തവാടി പോലീസ് ഇന്സ്പെക്ടര് പികെ മണിയും സംഘവുമാണ് ഇയാളെ ഇന്നലെ രാത്രിയോടെ പിടികൂടിയത്.നേരത്തെ കേസിലെ മറ്റൊരു പ്രതിയായ വെളളമുണ്ട ബാണാസുര സാഗര് ഇറിഗേഷന് പ്രൊജക്ട് സ്പെഷല് തഹസില്ദാര് ഓഫിസിലെ സീനിയര് ക്ലാര്ക്ക് അജയ് സിറിള് (55) നെ പിടികൂടിയിരുന്നു. മാനന്തവാടി താലൂക്ക് ഓഫീസിലെ സീനിയര് ക്ലര്ക്ക് സന്തോഷ് ശിവനാരായണനും കേസിലെ പ്രതിയാണ്. പയ്യമ്പളളി വില്ലേജില് പുതിയിടത്ത് രണ്ട് ഹെക്ടറോളം സ്ഥലത്തിന്റെ നികുതി സ്വീകരിച്ചതായാണ് ഇയ്യാള് വ്യാജരേഖ ഉണ്ടാക്കിയത്. മിച്ചഭൂമി കേസില് ഹൈക്കോടതിയില് സ്റ്റേ നിലനില്ക്കുന്ന സ്ഥലത്തിനായാണ് വ്യാജ രേഖകള് ഉണ്ടാക്കിയത്.സംഭവത്തെക്കുറിച്ച് തഹസില്ദാര് എന്.ഐ ഷാജു ജില്ലാകളക്ടര്ക്ക് റിപ്പോര്ട്ട് നല്കിയിരുന്നു. ഇതിന്റെ അടിസ്ഥാനത്തില് മാനന്തവാടി താലൂക്ക് ഓഫീസിലെ സീനിയര് ക്ലര്ക്ക് സന്തോഷ് ശിവനാരായണന്, വെള്ളമുണ്ട ബാണാസുര ഇറിഗേഷന് പ്രൊജക്ട് സ്പെഷ്യല് തഹസില്ദാര് ഓഫീസിലെ സീനിയര് ക്ലര്ക്ക് അജയ് സിറിള് എന്നിവരെ കളക്ടര് സസ്പെന്റ് ചെയ്യുകയും ചെയ്തിരുന്നു. കളക്ടര്ക്ക് റിപ്പോര്ട്ട് നല്കിയതോടൊപ്പം വ്യാജരേഖ ചമച്ചതുമായി ബന്ധപ്പെട്ട് തഹസില്ദാര് മാനന്തവാടി പോലീസിലും പരാതി നല്കിയിരുന്നു. പരാതിയുടെ അടിസ്ഥാനത്തില് ്രൈകം നമ്പര് 317/18 പ്രകാരം കേസ് രജിസ്റ്റര് ചെയ്ത് പോലീസ് നടത്തിയ അന്വേഷണത്തിലാണ് നേരത്തെ അജയ് സിറിലും ഇപ്പോള് പ്രകാശനും പോലീസ് പിടിയിലായത്. കോടതിയില് ഹാജരാക്കിയ പ്രകാശനെ റിമാണ്ട് ചെയ്തു. കേസിലെ മറ്റ് പ്രതികള്ക്കായി അന്വേഷണം നടത്തി വരുന്നതായി പോലീസ് വ്യക്തമാക്കി
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്