സമസ്ത കേരള മുസ്ലീം എംപ്ലോയീസ് അസോസിയേഷന് വയനാട് ജില്ലാ സംഗമം സംഘടിപ്പിച്ചു
കല്പ്പറ്റ: ഏതു മേഖലയിലാണെങ്കിലും ജനങ്ങളെ സേവിക്കാന് ഭാഗ്യം ലഭിക്കുകയെന്നുള്ളത് ജീവിതവിജയത്തിന് നിദാനമാണെന്നും ജീവിതോപാധിയായ ജോലി സുരക്ഷിതമാവുകയെന്നത് ജീവിതത്തിലെ ഏറ്റവും വലിയ അനുഗ്രഹമാണെന്നും പൊതുജനങ്ങള്ക്ക് പരമാവധി സേവനം ചെയ്തും ധൂര്ത്ത്, അഴിമതി പോലോത്ത ദുഷ്പ്രവൃത്തികളില് നിന്ന് വിട്ടുനിന്നും അനുഗ്രഹത്തിന് സൃഷ്ടാവിന് നന്ദി കാണിക്കണമെന്നും സമസ്ത ജില്ലാ പ്രസിഡണ്ട് കെ.ടി ഹംസ മുസ്ലിയാര്.സമസ്ത ജില്ലാ സമ്മേളനത്തിന്റെ ഭാഗമായി കല്പ്പറ്റയില് സംഘടിപ്പിച്ച മുസ്ലീം എംപ്ലോയീസ് അസോസിയേഷന് വയനാട് ജില്ലാ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.സ്വാഗത സംഘം ചെയര്മാന് എസ്.മുഹമ്മദ് ദാരിമി അദ്ധ്യക്ഷനായി.ജില്ലയിലെ സര്ക്കാര്, അര്ധസര്ക്കാര് തലങ്ങളില് വിവിധ മേഖലകളില് സേവനം ചെയ്യുന്ന നൂറിലധികം ഉദ്യോഗസ്ഥര് പങ്കെടുത്തു ഡോ.എന്.എ.എം അബ്ദുല് ഖാദിര്, ആസിഫ് ദാരിമി പുളിക്കല് എന്നിവര് വിഷയങ്ങളവതരിപ്പിച്ചു. സമസ്ത കേരളാ മുസ്ലിം എംപ്ലോയീസ് അസോസിയേഷന് ജില്ലാ കമ്മിറ്റി രൂപീകരണത്തിന് ഹാരിസ് ബാഖവി കമ്പളക്കാട് നേതൃത്വം നല്കി ഡോ. ഫരീദ് മുഹമ്മദ്, അഡ്വ.കെ.മൊയ്തു ,പി.ഇബ്റാഹിം മാസ്റ്റര്, എം.മുഹമ്മദ് ബഷീര്, പി.സി ഇബ്റാഹിം ഹാജി, പി.സുബൈര്, നാസര് മൗലവി സംസാരിച്ചു ജന. കണ്വീനര് എ.അഷ്റഫ് ഫൈസി സ്വാഗതവും വര്ക്കിംഗ് കണ്വീനര് ജാഫര് ഹൈതമി നന്ദിയും പറഞ്ഞു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്